Gulde-Jaer Ons Heeren Jesu Christi

[p. 293]

Hoog-waerdig sacrament.⁺
Adoro Te⁺

1

Adoro te devotè latens Deitas,

Quae sub his figuris vere latitas.
Tibi se cor meum totum subijcit,
Quia te contemplans totum deficit.

Ave Iesv pastor fidelium,

Adauge fidem omnium in te credentium.

+ 120

+ De Latijnse tekst heeft kleine verschillen met de tekst van tegenwoordig, waar: 2,1 Visus, tactus, gustus; 2,4 Nil hoc verbo Veritatis verius; 3,2. At; 5,2. Panis vivus; 6,2 immundum; 7,2. Oro, fiat. Behoudens enkele veranderingen (2,2. tuto in plaats van tute; 2,4. Nil hoc veritatis verbo verius i.p.v. Verbo veritatis nihil verius; 3,2. Ast i.p.v. Sed; 6,2. zetfout immendum; 6,4. quit ab i.p.v. posset) komt het Latijn overeen met dat in Dreves-Blume, Ein Jahrtausend Lateinischer Hymnendichtung, dl. I blz. 359 (Analecta Hymnica dl. 50 blz. 589). De aansluiting van Stalparts vertaling aan de tekst is tot in details nauwkeurig.

2

Visus, Gustus, Tactus in te fallitur,

Sed auditu solo tutò creditur.
Credo quidquid dixit Dei filius.
Nil hoc veritatis verbo verius.

3

In cruce latebat sola Deitas,

Ast hîc latet simul et humanitas.
Ambo tamen credens atque confitens,
Peto quod petivit latro poenitens.

4

Plagas sicut Thomas non intueor.

Deum tamen meum te confiteor.
Fac me tibi semper magis credere,
In te spem habere, te diligere.

[p. 294]

5

O memoriale mortis Domini,

Panis verus, vitam praestans homini:
Praesta meae menti de te vivere,
Et te illi semper dulcè sapere.

6

Pie Pellicane Iesv Domine,

Me immundum munda tuo sanguine:
Cuius una stilla salvum facere
Totum mundum quit ab omni scelere.

7

Iesv quem velatum nunc aspicio,

Quando fiet illud, quod tam sitio:
Vt te revelata cernens facie,
Visu sim beatus tuae gloriae.