Nederlandsche gedichten uit de veertiende eeuw van Jan van Boendale, Hein van Aken e.a.
(1869)–F.A. Snellaert–
AuteursrechtvrijHoe men voersien sal of die raet orberlijc es die ghegheven es, en̄ hoe men dien volghen sal. C. XXIX.NU hebbic u ghetelt
Aen wien ghi raet soeken selt;
Nu suldi mi voert verstaen:
Alse ghi raet hebt ontfaen /
1910[regelnummer]
So suldi wijsselijc versinnen
Hoe ghi die dinc sult beghinnen /
Middelen en̄ inden mede.
Dan sal u bescedenhede
Voersienlike merken
1915[regelnummer]
Hoe men daer in sal werken.
Ane dinsetten vander sake
| |
[pagina 70]
| |
Seker so leghet grote rake
En̄ groet voerdeel elken man
Diet te poente gheraken can;
1920[regelnummer]
Want set ment onwijsselike in
Daer volghet orbers na te min.
Voersiet oec wel ende verstaet
Hem die u gaf den raet /
Ofte hi van partyen si.
1925[regelnummer]
Voersiet oec wel daer bi
Of ghi wel macht hebben sult
Der dinc die ghi beghinnen wilt.
Ghi sult oec wel merken echt
Of uwe dinghen sijn gherecht;
1930[regelnummer]
Want datmen met onrechte beghint /
Wert met scanden bicke gheïnt.
Seneca doet ons weten /
Het es beter stille gheseten
Dan scade of scande begaen.
1935[regelnummer]
Noch doet hi ons verstaen
Datmen lichte mach wederstaen
Die scande / eer si wert ghedaen /
Dan mense mach / sonder waen /
Verdriven alsi es ghedaen.
1940[regelnummer]
Maer boven al met trouwen
Suldi di waerheyt aenscouwen;
Want si can voer alle saken
Den mensche wel met Gode maken;
Want hi met sinen monde seyt:
1945[regelnummer]
Ic ben wech / leven / ende waerheytGa naar voetnoot1.
| |
[pagina 71]
| |
Daer om es / des sijt vroet /
Boven al die waerheyt goet.
Ecclesiastes maect ons gewes /
Dat een dief meer te minnen es
1950[regelnummer]
Dan een daghelijx loghenaerGa naar voetnoot1.
Onse Here spreect openbaer:
Dat die duvel al te gader
Loghenaer es / en̄ sijn vaderGa naar voetnoot2 /
Daer bi suldi in uwen rade
1955[regelnummer]
Wel voersien vroech en̄ spade
U macht en̄ u redelijcheyt
En̄ wat orbore datter in leyt.
Een orloghe es begonnen saen;
Maer sie wel hoet mach vergaen.
1960[regelnummer]
Melibeus / also ghi nu mi
Hebt horen tellen daer bi /
So salmen voer wel versinnen
Hoe men een orloghe sal beghinnen;
Hets saen ghedaen / mi des betrouwet /
1965[regelnummer]
Dat namaels harde langhe rouwet.
|