Exempel.
De H. Maghet Maria besorght voor hare suyverheydt.
DEn Enghel Gabriel, ghesonden wesende tot de H. Maghet van weghen de alder-heylighste Dryvuldigheydt, heeft haer ghegroet inde ghedaente van eenen Jonghman, segghende tot haer: Weest ghegroet vol van gratie. De H. Maghet hoorende de stemme, ende siende de ghedaente van een mans-persoon in haer kamer, sy is verstelt gheweest, seght de H. Schrifture, ende benauwt: waer op den H. Bernardus wel seydt: 'Ten is niet wonder, want eene oprechte maghet, die hare suyverheydt lief heeft, moet eenen schroom hebben, oock vande aensprake alleen van een mans-persoon, in een eenighe plaetse, buyten 'tghesicht der menschen, om dieswil dat oock de minste vlecke, ende schijn van perijckel, den glans vande suyverheydt bederft, ende besmeurt.
Auteursrechtvrij
