Een nieuw sangh-boeck, iuhoudende eenighe psalmen
(1650)–J. Sent–
Auteursrechtvrij
[pagina 489]
| |
Op de Wijse van Helena1.
HOort toe ghy Christen al,
Hoort doch al na dit Liedt,
Wat ick verclaren sal,
Hoe dat het is gheschiet,
Hoe datter een vroom Man,
Vyt syn Godt-vruchtich leven
Gheensins wou scheyden van,
| |
[pagina 490]
| |
Sijn leven moste gheven.
2.
Het 't welck is gheschiet,
Tot Duxmuydin de Stadt,
Het Landtschap Flaenderen hiet,
Ick sal verclaren dat,
Hoe dat het is gheschiet,
Want het syn wonder wercken,
Ghelijck ghy in dit liet,
Verstaen condt en bemercken.
3.
Al in de selve stadt,
Was oock een slechte mensch,
Die om een aelmoes badt,
Versaed hy nae syn wens,
Een dach twee drie te voor,
Al eer hy werd gevangen,
Veroordeelt soo ick hoor,
Verbrandt te worden strange.
4.
Doen nu de slechte sach,
| |
[pagina 491]
| |
Datmen hem bracht om't leven,
Riep hy met groot beclach,
Ghy Moordenaers en dief
En zijnde seer verbaest,
Soo wild hy int vyer loopen,
Maer't volck dat keerd hem haest,
Die stonden daer by hoopen,
5.
Als men nu't lichaem bracht,
Al op het Galghe velt,
Ginck hy met groot beclach,
Nae dese Vroome helt,
En was rouwich soo 't scheen,
Seer droevich en verleeghen,
En ginck al daghen heen,
Aensiende snee noch reghen.
6.
Als't vlees haest was vant been,
Nam dese slechte heldt,
'T gheheel Corpes met een,
Al van het Galghe veldt,
| |
[pagina 492]
| |
En is daer mede voort,
Ter stede in ghetreden,
'T welck veel hebben ghehoort,
En syn ghevolghen mede.
7.
Doen nu de slechte quam,
Daer den Raedts-heer was tuys,
Hy 't selve Corpes nam,
En smeet het in syn huys,
En heeft ghesproken koen,
Hebt ghy syn vlees ghe-eten,
'T ghebeent wilt alsoo doen,
Dat heeft hy hem verweten.
8.
Doen nu ons lieve Heer,
Den Raedts-heer met kranckheyt
Ghesmeten had ter neer,
Riep hy en heeft gheseydt,
Dat hy des goe-mans Geest,
Sach over den pael vliegen,
'T riep gheduyrigh meest,
| |
[pagina 493]
| |
En wild daer af niet swijghen,
9.
Maer als den pael was wech,
Heeft hy ghehouden van,
Dit klachlijck ghesegh,
Van dese goede man,
En is kortelijckx seer dra.
Ghescheyden uyt den vleesche,
De Heer wees hem ghena,
En wilt hem niet af eyssche.
10.
Oorlof regenten al,
Ghy die het singht of leest,
Schickt u op den wech smal,
Wijckt van't ghecroonde beest,
Op dat ghy in desen feest,
Godts aenschijn meught aenschouwen,
En op dat ghy onbevreest,
Ghevrijt zijt van't benouwen.
|
|