Een nieuw sangh-boeck, iuhoudende eenighe psalmen

Eenen Lof-sanck nae der vermaninge te singen,

Op de wijse: vanden 133. Psalm.

⁺VVIlt nu den Heer lof, eer en danck bewijsen,
Roemt van sijn deucht, wilt sijnen naem hooch prijsen
Die ons met sijn ghenade croont
Want sijn goetheyt die hy den synen toont
Is onghemeten hooch en wijt verspreyt,
En duert tot in der eeuwicheyt.
⁺ 2. Wien soud' alsulcken Heer niet eeuwich loven,

+ Psa. 95. 2
Psa. 40. 3
Ps. 103. 4
Ps. 57. 11 208. 5

+ Ier. 10. 7
Ap. 15. 4

[p. 57]

 

Die den wijsen en stercken gaet te boven, ⁺

 

Die den swacken haer kracht verstijft,

 

Diens goedtheydt vast by den oprechten blijft,

 

Looft hem met reynen herten hy ist weert,

 

Sulck een lof ist dat hy begeert.

 

3. Looft nu den Heer geestich met nieuwe tongen

 

Ghy die bekeert 's doodts banden sijt onsprongen

 

Die van herten besneden zijt,

 

Looft hem al die door Christum zijt bevrijt

 

Danckt hem voor al dat goedt dat ons geschiet.

 

Sijn goetheyt is t' wtspreken niet.

 

4. Hy heeft voor ons sijn lieve kint ghegheven,

+ Es. 40. 29
Lu. 1. 46
Act. 15, 7
Ps. 147, 1
Ps. 51, 16
Heb. 2. 15
Ro. 2, 29.
Ioa. 8. 23.
P. 107. 30
Ps. 145, 3
Rom. 8, 32
Ioa. 3, 16
1. co. 6, 20
Ep. 2, 16
2 Ti. 1, 16
Ro. 10, 18
Ioa. 1, 16
Iac. 1, 26
Ro. 10. 18.

[p. 58]

 

Om ons met hem te gheven d' eeuwich leven

 

Die hy met synen bloede cocht,

 

Den vreed' heeft hy door ons in't licht ghebrocht

 

Doort Euangeli zijn ghenadich woort

 

'T is inde werelt wijt ghehoort.

 

5. Dit selve woort troostelijck vol ghenaden

 

Dat onsen ziel inwendich can verzaden

 

Is ons al int ghemeyn verclaert

 

⁺Wy die nu hier eenmoedich syn vergaert,

 

Dies dancken wy u Heer die eeuwich leeft

 

Die daer toe u ghenade geeft.

 

⁺ 6. Geeft doch O Heer dat wy ws woorts verclaren

 

Vast in 't gheloof getrouwelijck bewaren,

 

Dattet blijft in ons hert gheprent

+ Act. 2. 78

+ Ma: 7: 24
Ia: 1: 22
Ioa: 15: 7
Ac: 16 17

[p. 59]

 

Geeft ons verstant dat ons mach zijn bekent

 

Den rechten sin in matigheydt bequaem

 

Tot prijs van uwen heyligen naem

 

7. Op dat wy al gebetert mogen scheyden ⁺

 

V heylich woort in deuchden aen verbreyden ⁺

 

Met een wandelingh' onbevleckt

 

Dat onse doen voor u mach zijn perfeckt

 

En dat daer door de wereldt wordt ghelicht

 

In liefden elck syn naesten sticht

 

8. Soo sal uwen grooten naem hooch int wesen

 

In uwen Tempel heerlijck zijn gepresen

 

Die ghy hier ghenade schenckt

 

Wel haer die ghehoorsaem altijdt ghedenckt ⁺

 

Aen u goetheyt die ghy van boven doet

 

Dies men u eeuwich loven moet.

+ Ep: 1: 6

+ 1: pe: 2: 9: 3:
Col: 3: 17
Ma: 5: 16
2: Th: 5: 11:
Ps: 48: 13 150: 1

+ Ps: 103: 9
Ps: 54: 18
Ps: 113: 2