Een nieuw sangh-boeck, iuhoudende eenighe psalmen

Den 122. Psalm.

SO haest als ick hoore spreken,
Wel aen laet ons alle seer saen,
In dat huys onses Heeren gaen,
Met vreucht is mijn hert ontsteken,
Dat ons voeten sullen hier naer
Staen binnen de poorten eerbaer,
Van Jerusalem wel ghestichtet:
Jerusalem is ghebout vast,
End door vrede 't samen ghepast,
End tot een stadt Gods fijn gherichtet.

2. Daer sal dat volck comen te saem,

De stammen Israels met een,

[p. 45]

 

Om Godt te prijsen int ghemeen,

 

Na syn lieflijck ghebodt bequaem.

 

Dit is de plaetse die Godt goet

 

David gheeft, end wil datmen doet

 

Recht end gherechticheyt daer binnen,

 

Laet ons wenschen Jerusalem

 

Gheluck, het moet oock wel gaen hem

 

Die onses Gods stadt sal beminnen.

 

3. Binnen u mueren woonen sal,

 

Liefde, vreede, met eenicheyt:

 

De huysen end Palleysen breyt

 

Zijn vol van Gods segheningh' al,

 

Om den wil der broederen mijn,

 

End der vrienden die binnen zijn,

 

Wensch ick u vreed' in allen hoecken

 

Om dat oock Gods Tempel seer reyn,

 

Staet binnen u mueren niet cleyn,

 

Wil ick steets uwen voorspoet soecken.