Een nieuw sangh-boeck, iuhoudende eenighe psalmen

Den 24. Psalm.

DIe Aert is onses Gods voorwaer,
Ende wat sy begrijpt verre en naer,
Met den menschen daer in woonachtich.
Hy heeft die opt Meyr vast gegrondt,
Hy verrijckt die alsins int rondt.
Met veel schoone rivieren crachtich.

[p. 13]

 

2. Synen Berch is een heylich oort,

 

Wie sal daer op comen nu voort,

 

Wie zal daer woonen ende blyven?

 

Die zijn hert ende handen heeft reyn,

 

Die leugens haet groot ende cleyn

 

Noch geen meynedet en soeckt te dryven.

 

3. Die mensche sal segen ontfaen,

 

Godt sal hem oock wel gave slaen,

 

Ende door syn goedigheyt bevryden,

 

Sulcks is 't geslachte tot aller tijt,

 

Dat Godt soeckt met herten verblijdt,

 

O Godt Jacobus, aen allen zijden.

 

4. Verhoocht u groote poorten nu,

 

Eeuwighe deuren verheft u,

 

Dat ingae die Coninck vol eeren,

 

Wie is de Coninck so gheacht,

 

T'is God d' overwinner met cracht,

 

Wiens macht niet en is om vermeeren.

 

5. Verhoocht u groote poorten nu,

 

Eeuwighe deuren verheft u,

 

Dat ingae de Coninck vol eeren.

[p. 14]

 

Wie is die Coninck soo geacht?

 

T'is Godt der heyr-crachten vol macht

 

Die groot is, jae een Heere der Heeren.