Een nieuw sangh-boeck, iuhoudende eenighe psalmen

[p. 10]

Den 15. Psalm.

WIe is die sal woonen eenpaer,
In u lieflijcke tenten Heere?
Wie sal doch verkeeren hier naer,
Door u goetheyt sonder ghevaer
Op uwen heyligen berch met eere.

2. Het sal wesen die mensch eerbaer:

Die steedts wel doet in alle dinghen
Ende reche handelt int openbaer,
Wiens mondt dat oprecht is ende waer
Ghestadelijcken sal voortbringen.

3. Die gheen achterclap spreeckt onvroet

Tot zijnes naesten smaet en schande,
Die tegen hem oock niet mis doet,
Noch mis handelt, maer hem behoet
Voor oneeren menigherhande.

4. Die oock den Godtloosen veracht

Ende daer toe eert tot allen stonden,
Hem die den Heer vreest met aendacht:
Die zijn beloften heeft volbracht,

[p. 11]

 

Al waert oock zijn schade bevonden.

 

5. Die tot woecker niet gheeft zijn gelt

 

Ende geen gaven oyt heeft ghepresen,

 

Om trecht des vromen met ghewelt,

 

Te breecken, die so is ghestelt,

 

Sal voowaer ghelucksalich wesen.