Basiorum Liber

[p. 20]

Basivm XI

Basia lauta nimis quidam me iungere dicunt,

Qualia rugosi non didicere patres.

Ergo, ego cum cupidis stringo tua colla lacertis,

Lux mea, basiolis immoriorque tuis,

Anxius exquirama quid de me quisque loquatur?

Ipse quis, aut ubi sim, vix meminisse vacat.

Audiit, & risit formosa Neaera, meumque

Hinc collum nivea cinxit & inde manu,

Basiolumque dedit, quo non lascivius unquam

Inseruit Marti Cypria blanda suo,

Et, quid, ait, metuis turbae decreta feverae?

Caussa meo tantum comperit ista foro.