Basiorum Liber

[p. 10]

Basivm IIII

Non dat basia, dat Netaera nectar,
Dat rores animae suaveolenteis,
Dat nardumque, thymumque, cynnamumque
Et mel, quale iugis legunt Hymeti,
Aut in Cecropijs apes rosetis,
Atque hinc virgineis & inde ceris
Septum, vimineo tegunt quasillo.
Quae si multa mihi voranda dentur,
Immortalis in üs repente fiam,
Magnorumque epulis fruar Deorum.
Sed tu munere parce, parce tali,
Aut mecum dea fac, Neaera, fias:
Non mensas sine te uolo deorum,
Non si me rutilis praesse regnis,
Excluso Iove, dij deaeque cogant.