Emblemata

Doctissimo & integerrimo Adolescenti D. Gerardo Bronchorstio, Clarissimi Viri Everardi Bronchorstij filio, cum Lug. Batav. publicè de jure responderet.

HEroe natis quanta necessitas
Iucumbit altos ire per impetus,

Semperque se praestare dignam

Egregio sobolem parente?

Locus latendi talibus haud datur,
Insueta sperat vulgus, & omnium

Arrecta corda pollicentur

Nil triviale sibi, aut minutum.

Hinc celsus urget spiritus, hinc pudor,
Hortator acer, promovet insitas

Vires, & imbelles lacertos

Ausibus exacuit probandis,

Ne facta patrum defidiae suae
Fulcrum putantes, & genus improbent,

Seseque quò sunt clariores,

Degeneres magis esse prodant,

Nam gesta patrum nobilium, note
Sunt filiorum degenerantium,

Vt turpitudo clarioris

Lucis ab oppositu probatur.

[p. 240]

 

Hoc cavit olim Dardanius Puer,

 

Dum non inertes, vel timidas feras,

 

Sed patriae virtutis haeres,

 

Optat Aprum, aut rabidum Leonem,

 

Innata virtus omnia perpeti,

 

Quàm turpe mavult opprobrium, neque

 

Mors ipsa si premat, decori

 

Propositi moveat tenacem.

 

Hic ardor, haec vis te quoque compulit

 

Multis negatam tendere semitam,

 

Bronchorsti, inaccessos parentis

 

Dum sequeris generosus ausus,

 

Parentis ejus, qui geminos polos

 

Fama levatus curribus arduis

 

Percurrit, & sui nitore

 

Nominis obstupefecit omnes.

 

Quem nos tonantem de cathedrâ suâ

 

Audimus alto turba silentio,

 

Doctoque pendentes ab ore

 

Legiserum rediise Paulum

 

Censemus astris Perge age spes Patris

 

Implere tanti, principia haec erunt

 

Majoris ausus, mox & ipsum

 

Nomine reque dabis parentem.

 

O ille quantâ laetitiâ caput

 

Hinc inde sparsum canitie, dabit

 

Suae quieti, cum videbit

 

Se in proprio superesse nato.