Hazegerf

[p. 65]

Der sjupper Ben Issachar va Bethleem

Nog jaore dò-nao vertillet der sjupper Ben Issachar van die naat: ‘Vèr looge te sjlaope. Ich waor meu van 't loope der ganse ivvige daag aater de sjaop op 'n gewande. En da mit dat bee. 't Is nog gaar uit bèëter mit de gich. Diej kriet gidder sjupper i ge veld. Nat of druug, in de òape loeët, en da va kink-op aa! Dat blieft uit i gen kleier zitte. Dat geet dich durch gen knäök en dat riet dich de peeze kapot, datste de teng op-ee pèësj¹⁾.... morjuts nog e-weg! Ja kinger, laach' dèr mer! Dat gunt me gingen hond.

Wie ich zaan: vèr looge te sjlaope, ich en der Simeon en de andere en dao.... op ins..... ene sjrei! Ich sjpring op en sjnap nao der sjtek en roop: Watte.... wat is! en dao sjteet mich der Simeon es went-e de begoffed²⁾ hei krège.... der mond op en gans blao en vaal in 't gezich. E kos ginge aom mieë krieje en ich reep: morloot, da sjprèëk! En e zaat: kiek dao.... ene ingel. En dè.... 't waor es went mich inge mit e hoot tège der kop hei gehouwwe. Ich kos gee wòad oetbringe en veel op 'n knee.... dao i ge veld in de netsde.... i gen drek. Ich mingt, dat ich sjterve mos.

Doew zaat dè ingel.... e sjtong dao.... nee, dè.... ezoeë get has-te noeëts gezieë.... wie der sjnieë.... wat zaan ich?.... wie der sjnieë? nee, wie 'n zon en dan in alle kleure en e zaat: Sjuppere, zaat-e, verviert³⁾ uch nit..... gut nao Bethlehem.... dao in dè sjtal is der Messias gebòare.... dèr zult 'm vinge..... e kink i get wingele.... en e zaat nog get, mè doe kuns mich gleuve..... ich waor nei droet. Ich sjtong op en vèget mich der drek van de boks en 't sjweet oet mie gezich. En der Simeon zaat: jong, nee, dat is mich te fosj. Twientig meter wiejer sjtonge de andere. Ze sjtonge dao mit gezichter wie kalk..... Ich reep: ‘Wat sjtut d'r dao..... sjamt⁴⁾ uch get!’ En ze komte gewaggele wie kranke luuj en zaate: Morjuuts, zaat-e ze; wat noe?

Vèr gonge allenei nao der sjtal. V'r naome get hui en get struuë mit, get broeëd en botter en e paar eppel. Vèr gonge en went inge get heller leep, da leepe v'r allenei en da reep

1) perst;

2) stuipen;

3) schrikt;

4) schaamt;

[p. 66]

ich: lantsem òa, dink a mie bee. Mè ze belachete mich en ich wòad giftig en sjweg.

Der sjtal sjteet noe nog dao! Doezend maol, zoeë good wiej ins, bin ich dri gewest. Ene sjtal, ja, wat zal ich zage..... zoe get, wiej dè va dich. 'n Ouw däör! Doe mos dich bukke. 'n Krub va blauwe sjtee, dat-s-te razels van de kouw. Doew die naat joog dich de kouw durch gen zieël. En dao waor 't: der Messias, ozze Hergod in 'n krub! Nee, dè, ezu get sjuns! Ich bin ene vrund va kinger.... me ezoeë get, nee! Hendjes.... zoeë fie! Ich heel mieng sjwoeër heng uvver 'm heen ! Ze hei-n-'m allenei will-n opnème, och der Simeon. Mè, ich zaat: ‘Simeon,’ zaat ich, ‘jong, dink ins nao watste dees..... 't Alderhilligste.... ozze Hergod! En doe, Simeon... en ich en vèr allenei!’ En ze sjrokke bei dè gedanke. En vèr veele-n-allenei op 'n knee..... En der Simeon houw de traone i gen kèèl en zaat: ‘Dat mich ezoeë get uvverkumt!’ Ich hoeët 'm in zieng traone sjnappe nao aom en e bènet: ‘Hèër.... ene urme sjupper,.... Hèër, erbarm dich uvver os.’ En wiej der Simeon ezu gods-erbermlich krèèësj⁵⁾, komt der hillige Sint Joeëzep naoder um 'm te truuste, mer der hillige Sint Joeëzep blef sjtòa en sjot mit der kop en zaat rüks! En ich zaat: Dèr hat rèèt, Sint Joeëzep, lot 'm mer gewèëde!

De Modder Goddes doog nüks andesj wiej nao 't kindje kiekke.... Ich ha melève ging vrouw ezu vol vruid gezieë.... En dan,... wie zal zich zage?.... ich han ins van 'n kunnigin gehoeëd..... ich hei kunne bène: Hillige Maria, Modder Goddes, bèèn väör ons, zunder, noe en in de sjtond van ozzen doeëd, Amen! - Ich zoot dao.... wie e kink.... richtig wie e kink en sjamet mich en kos gee wòad oetbringe.

Doew op eemaol.... e mòziek.... wie van ene urgel, mè ezoeë fie! Doe hoeëts 't naoder kòame en aasjwille en dao zonge-ter's in die mòziek.... druvver heen en dronger durch, noe hel, en da fie! En da sjwillet de mòziek wir aa, wie 't broeze van der wink, dè sjtoeventère sjwilt. En ingele roesjete der sjtal i mit vläögele va ziej.... en 't waor ezu sjtaats en sjtäödig wiej 'n hoeëmis! Zoe beugete ze en zonge ze: Gloria in excelsis Deo.... zonge ze.... et in terra pax hominibus. Ich versjtòa gee latien, mè dat versjtong ich doch: ‘Fes i gen himmel en vruid op 'n èëd!’

Vèr zunt nao heem gegange, zoeë wie-s-te 't Zondes oet gen hoeëmis kums. Mè dat vergèët ich nit, wèët ich honderd jaor - dat is 't sjunste wat 't gift op de welt.

Der Simeon is kot dao-nao gestorve..... va leed. E houw e

5) weende.

[p. 67]

kink van nog gin twei jaor. - Dat hent ze 'm doeëd gesjtòake... En da maogs-te nit ins klage... kinger Deus... wat zunt de tiette sjleet! Mè i mie hats zingt jiddes jaor mit Krismes wie va zelf dat lieëd: ‘Gloria in excelsis Deo’ en doe zuls zieë, dao komt ene andere tied.... ne gans andere tied.

[p. 68]

INHOAD

No.		pag.
1.	t Mot wel ezu get wie 'n verdorvenigheed zieë	1
2.	De pyramied à la carousselle	5
3.	De rees nao Visé	7
4.	t Wehrhafte Drüd	10
5.	Ozze haan	13
6.	De munnike i Ville	15
7.	Der nonk Macheel	21
8.	Der duvel kriet e ongeluk.	24
9.	De bronk	29
10.	Der lectisj	33
11.	Der roeëzekrans	38
12.	Der Sjang en t Maike	39
13.	De Modder Goddes 1 gen durp	42
14.	Der breef an der Bussjep	45
15.	Krismes	49
16.	Krismes huutsengendaags	53
17.	De litste Krismes van der Klös	56
18.	Krisnaat 12 oer i gen koel	60
19.	Simon Bar Juda	62
20.	Der sjupper Ben Issachar va Bethlehem	65