Het Walchers liedeboeck

Den 100. Psalm

na de wijse
Hoort toe met sange wil ic u vertellen

ALle werelt Juycht den Heere
dient hem met vreuchden fijn⁺
met blyde gheluydt wilt keere
alle vreucht tot vermeere
voor sijn lieflick aenschyn

Bekent hem een Godt alleyne

want ons ghemaeckt heeft hy⁺
tot syn volck en tot reyne
schapen zijnder weyde ghemeyne
ende niet ons selven wy

Ghaet in sijnder poorte daer bouen

gheeft hem danck altesaem
in sijne schoone voorhooven
wilt hem prijsen en louen
danckt en louet des Heeren naem

Want vriendelick van daede

is Godt en vol accoort⁺
eeuwich duert sijn ghenade
en sijn waerheyt ghestade
blijft altoos voort ende voort

Weest op u hoede

+ Psalm. 66. 1

+ Psal. 79. 13.
Esech. 34. 30

+ Psalm 34. 9.
Tieu. 3. 25.