Het Walchers liedeboeck

[fol. avjr]

Deen autheur tot den sangher

D it is altgheen, dat d'heylighen voortijt, sochten
I n al hun doen Godt te eere met vvoort ,, en vverck
E n leerden, op dat vvy ons met meer vlyt ,, mochten
R eguleeren, om navolghen, so Sijt ,, vvrochten
I st dat vvy tvermanen wternemen doort ,, gemerck
C omt dan haer soo na en wilt blyuen voort ,, so sterck
K rachtich pooghend' v, en Godt alleen seyt ,, eere
S oeckt niet anders so ghy singt oft toe hoort ,, int perck
C orumpeert ons voorstel niet, maer planteyt ,, keere
H em elck, dat hy Godts maiesteyt ,, Leere
A lso prijsen, voortaen na dit volbrijghen ,, staet
B ouen al soeckt dat Godts lof vvert verbreyt ,, seere
A nders niet verder, ons ghedicht en sijnghen, gaet
E ere comt hem toe ,, dus al ydel dynghen ,, haet
I metert Christus, so ghy smaeckt inden broo ,, bevint
L oflick socht gods eer, maer hy leet lastrijnghen, quaet
I onstich hyt de, want hy ons arme snoo ,, bemint
E n daerom ghelick hy was; oock VVeest soo ,, Ghesint

D'ander autheur tot den Berispers

I st dat ghy v (O verachters) vvilt beclaghen
A en dit boeck gheen ghenuchte te hebben om dat
N iet altemael en gaet na v behaghen,

[fol. avjv]

 

S ult daerom u vleesch tot den beene niet knaghen

 

C hristen ghemoede hebben noyt de maniere ghehad

 

H un balcke weerende eerst, al eer sy wat

 

A encleuende stof in anders ooghen saghen,

 

B erispen en schelden en betert geen blat

 

A l ißer ghefaelt brijngt beter wt u vat

 

E n onderwijst mijn ick wilt geerne hooren

 

L eerijnge der wijsen is een dierbaer schat

 

I n alle dijnghen voor diese recht oorbooren

 

E en vat soot in heeft soo brijngt het te vooren

VVeest op v hoede.

Den 7. Maerty

1611.