Spel des gheschils tot Athenen

(1617)–Dirk Schabaelje– rechtenstatus



[Folio A3r]
Sonnet. Seer vvel en met goedt recht vermaent de VVyse-Man, Dat even 'tselve dat ghechiedt is, sal gheschieden, En dat het ghene dat ghedaen is by de Lieden Hier voormaels, oock ghedaen sal vvorden nu voortan. Iae datter gantsch niet nieuvvs is onder't groot ghespan Des Hemels, daer de Son soo snel pleecht door te vlieden. Die't segghen en het doen der menschen vvil bespieden, Zal vinden, datter gheen vvoordt vvaerder vvefen kan. Heeft Zeno de Stoïck den Nootdvvang sterck ghedreven? Heeft Epicuur ghestelt in vvellust 't hoochste goedt? Men vinter nu oock veel die haer tot vvellust gheven, En veel die even soo als Zeno zijn ghemoedt. VViert Paulus hier ghelooft, daer als een Sot gheplaecht. VVat vvonder ist, dat ghy Scabaelje me soo slaecht? R. Telle.