Kort inhouden van dit Spel.
PAulus gaende door de Konst-leerende, doch Afgodische Stadt van Athenen, also hem synen Gheest over haer Afgoderye ontsettet, bestraft hare ongheschicktheden, als oock de quade Leeringhe die daer door eenighe Philosophen vverdt ghedreven, ghelijck hy mede de Ioden aldaer vvonende niet voorby en gaet. Het ghemeene Volck (by tvvee Griecken uytghebeeldt) hier over vervvondert zijnde, vveten niet vvaer zijt hebben, prysen haer oude Leeringhe, doch vvenschen om een eenich ghevoelen in haer Gheleerden te moghen sien. Na desen komt er een die de vvaerheyt vvat spottelijcken seyt, vvil dese met vele meer andre dinghen berispen, by nae elcks gebreken aenvvysende. Hier na der Ioden Scholle gheopent zijnde, vverter een Iodisch ghesangh ghehoordt, vvaer nae Paulus hen voordraecht zyne Predicatie van Christo, ende also de selve van den Rabbi der Schole vverdt vvedersproken, so vverdt door die dispute den Heere Iesus aldaer dies te klaerder betuycht. Ende vvort voort dit eerste deel met een leerlijck Ghesanck besloten.
In het tvveede deel vverdt ghehoordt een vvandel-discours op de Marckt tusschen een Iode ende Grieck, die niet alleen de Predicatie Pauli gehoort hadden, maer oock de lessen der VVet. Ghy hebter oock een aensprake Pauli tot die beyde, by de vvelcke tvvee verscheyden Volckeren vverden uytghebeeldt: Ende vverdt dit deel mede met een Ghesangh besloten.
In het derde deel vvordt voorghestelt een gheheele redenstrijdt oft geschil tusschen een Stoyck ende een Epicurisch Phi-
Auteursrechtvrij
