Verscheyden litanien tot ghebruyck des catholijcken leghers

Dese quentie, diemen int Officie der ouerledenen inder kercke singht: beghinnende.

Dies irae, dies illa.

Dagh van tooren, van gheschille,
Salt al branden, nae Godts wille:
Soo tuyght Dauid, en Sivylle.

Quantus tremor est futurus

Hoe elck schudden sal, en beuen,

Als de Rechter hem sal gheuen,
Tot scherp recht van al ons leuen.

Tuba mirum spargens sonum.

Dat trompet van vremden toone,

Slaend'opt graf van vuyl, en schoone,
Salt al dwinghen totten throone.

[p. 83]

Mors stupebit, & natura.

Dan sal doodt, en de nature,

Staen verschrickt, als creature
Opstaen sal, ter procedure.

Liber scriptus proferetur.

Dan werdt dien boeck daer ghelesen,

Daert al in staet, opgheresen,
Waer wt elcks Recht wordt ghewesen.

Iudex ergo cum sedebit.

Als den Rechter werdt gheseten,

Niet en schulter, men salt weten:
Rechte mate salt al meten

Quid sum miser tunc dicturus.

Wat sal ick katijf dan maken?

Wie neme ick dan tot voorspraken,
Als elck ducht voor sijns selfs saken?

Rex tremendae maiestatis.

Coninck van gheduchten treyne,

Die ons saligh maeckt alleyne
Helpt my, goedertier fonteyne.

Recordare Iesu pie.

Weest ghedachtigh, Iesu pure

Van dien wegh tot my, soo sure,
Houdt my vast op die lest ure.

Quaerens me sedisti lassas

Soeckens, saet ghy moe ghetreden

En hebt voor my t'cruys gheleden:
Laet sulck werck toch wel besteden.

Iudex iustae vltionis.

Rechter van rechtveerder wrake,

Scheldt my quijt mijn quade sake;
Eer dien dagh op my becrake.

Ingemisco tanquam reus

Wel versucht ick, als verwesen:

Wel beschaemt is al mijn wesen:
Spaert my Godt; wilt my ghenesen.

[p. 84]

Qui Mariam absoluisti

Die Mariam hebt ontslaghen :

Inden schaecker creeght behaghen;
Hebt my oock sulcks doen beiaghen.

Preces meae non sunt dignae

Mijn ghebedt en is niet weerdigh,

Helpt my ghy, o Godt rechtveerdigh,
Van dat eeuwigh vier, nv veerdigh.

Interoues locum praesta.

Wilt my met v schaepkens tellen,

Och! niet met die bocken quellen
Maer ter rechter zijde stellen.

Confutatis maledictus

Straft dan de vermaledijde ;

Dat het helsch vier haer bestrijde.
Seght my: Comt ghebenedijde.

Oro supplex & acclinis

Dies werp ick my plat ter eerde:

Thert als asschen roept onweerde,
Dat my Godt int laetste anveerde.

Lacrymola dies illa

Dagh van tranen, dagh van weene

Als de mensch sal staen te beene,
Om nae recht van Godt te scheene,
Ten sy Godt hem troost verleene

Pie Iesu Domine.

Goedertieren Iesu soet,

Gheeft ons ruste, en d'eeuwigh goet.

Amen.