Journaal van Hugo en Cornelis van Ryck betreffende hun reis naar Jeruzalem (1561-1562)
(2011)–Hugo van Ryck, Cornelis Hugens Van Ryck–
Auteursrechtelijk beschermd[1 december 1561]Den Ien decembry sagen wy een eylant geheten ScharppettomGa naar voetnoot274 ende wy cregen den wint goet vanden noort noortwesten twelck wy wenden vanden selffden eylant, want wy uuyter zee quamen met een west noortwesten wint, ende seylden met den selffden [64b] noort noor[t]westen wint tot Candien verlatende dat zuyteynde van Candien. Op den selffden dach sachternoens sterver een DuytschGa naar voetnoot275 genaempt FranciscoGa naar voetnoot276 een dienaer van den keyser Verdinando, welcke worden geleyt in een vanden pelgroms haer kist ende worden alsoe over boort in zee gewoorpen. | |
[2-3-4 december 1561]Den IIen decembry soe hebben wy daer gelegen met stil weder ende hebben vast geseylt ende gelavee[r]t. Den IIIen decembry soe hebben wy gecregen den wint vanden suytwesten ende synderGa naar voetnoot277.[65a] Den IVen decembry soe hebben wy gehadt inden wint ende seylden naer een eylant daer wy quamen by nacht ende vonden gheen anckergront. Wy seylden terstont daer vandaen alle de nacht ende waren in groote vreese van ons lyff. | |
[5 december 1561]Den Ven decembry soe waydet alsoe veel wints dat de patroon onsse scip liet dryven want hy dat roer hadde laeten binden inde lye. Ende smorgens doent dach was soe vonden wy ons middel inde clippen ofte eylanden ende wy liepen in een haven die doe voor ons lach met alle geluc, geheten ParysGa naar voetnoot278, daer geseyt [65b] wort dat Helena worde gescaect. Ende daer woent een hertoch diet tlant toecoemt ende is een Grieck, maer hy geeft den Turck tribuyt. Daer wort geseyt dat op dit eylant daer wy onder lagen staet een kerck ende heeft 102 duer. Op dit selffde lant worde Helena gescaeckt. Als voren daer wesende soe waren wy seer verblyt dat wy ons soe gebarc[h]t hadden ende dat wy den tempeest ontgaen waren. | |
[8 december 1561]Den VIIIen decembry op Onsse Lyeve Vrouwen dach Conceptio syn wy an lant gevaren ende hebben daer ghe[66a]bleven dien dach ende nacht. Den IXen decembry syn wy smorgens gegaen naer de kerck maer sy en was soe niet alsmen seyde.Ga naar voetnoot279 Tis wel eer een clooster geweest ende daer waren noch monnicken, tweten griecken. | |
[18 december 1561]Den XVIIIen decembry syn wy tseyl gegaen met een noort noortoosten wint smorgens voor daech ende syn ontrent den avont gepasseert verby MylenGa naar voetnoot280 twelck is een eylant ende is ontrent vyftich Italiaensche mylen van Parisi, bet nader de zeeGa naar voetnoot281 want wy heel inde eylanden waren geseylt. | |
[19-21-23-24 december 1561][66b] Den XIXen decembry hebben wy weder gehadt inden wint ende begonde op te wayen dat wy wederomme liepen voorden wint naer Mylen, maer tweder beterde ende wy keerden weder tsewaert. Den XXIen decembry syn wy gecomen onder CirugoGa naar voetnoot282, twelck is een eylant, ende hebben onsse anckeren inden gront laten vallen. [Aen de] noortoost zyde van dat eylant leyt tlant van Morea ende wy lagen tuschen beyde desen landen, Morea naeste. Item den XXIIIen dach baede een pelgrim, genaempt Pieter Tromp van Rotterdam, ende snachs daer [67a] nae wast een quaet weer: blicsim en donder met een storm uuyter noort oosten. Item Den XXIVen dach soe heeft den storm an gehouden soe dat wy niet tseyl en gingen, ende die bootsgesellen sloegen 12 verckens, twelck was kaers avont, ende die wint was noort oest, ende costen 3 verckens om twee sickinenGa naar voetnoot283 | |
[25-26-27-30-31 december 1561]Item kers nacht soe zyn wy tseyl gegaen ende doetGa naar voetnoot284 dach was, hebben wy twe scepen gesyen die quamen uuyt syeGa naar voetnoot285 ende hadden in sloepen slaven, endehet een scip was van ArguseGa naar voetnoot286 ende dat ander van Napels. [67b] Item den XXVen dach, twelck was kers dach, ontrent middach soe is ons die wint thegen gecomen soe dat wy weder omme geseylt zyn naer ons oude haven met het scip. Item des nachts daer nae, het welck was Sinte Stevens nacht, [zyn wy] wederom tseyl gegaen ende hebben weder geseylt totten middach. Die wint is ons weder theghen gecomen ende syn weder inde oude haven gecomen ende doen is dat ander scip van Arguesen mede by ons gecomen, twelck was den XXVIen. Item den XXVIIen dach wast een groote storm uuyter suytwesten met [68a] blixem, donder ende regen totten XXXen dach toe. Item den XXXen ende den XXXIen dach heeftet goet weder geweest: die wint suyt west. |
|