Werken. Deel 5. Vanden twaelf beghinen

Regelnummers proza verbergen

[p. 90]

Driplicis coeli ac stellarum descriptio. C. XXXIII.

1Die nature der hemele besteet in drie principale hemele: 2die ierste hemel heet firmament; die ander hemel cristallen; 3die derde hemel vuerich claer: en̄ si sijn alle doerschinighe 4claerheit, en̄ woninghe, en̄ wandelinghe daer God in regneert 5en̄ levet met allen sinen heylighen. Die overste hemel, metter 6inwoninghen Gods, betekent ons een scouwende leven, 7ghelikerwijs dat ic voren gheseit hebbe. Die ander ‧ij‧ hemele 8bedieden ons een verborghen inwendich gheestelic leven, 9daer wi met Gode in wandelen ende God met ons, overmits 10sinc gracie ofte sine glorie. Die ierste hemel, daer die sterren 11aen staen, die beteykent ons die ewighe moghentheyt ons 12hemels Vaders, die ons intrect en̄ verheft boven alle sinlike 13werke in een inwendich gheestelic ghevoelen, daer alle 14doechde in leven en̄ gheoefent werden. Daer sijn wi den 15hemelschen sterren ghelijc, die groet sijn daer boven vore 16die yeghenwoirdicheit Gods, en̄ cleine schinen hier beneden 17vore der menschen oghen, die anders niet en bekennen dan 18teyken der doghede die si van buten in goeden werken horen 19en̄ sien⁽¹⁾. Die sterren en sijn niet doerschinich ghelijc den 20hemelen, en̄ si sijn ront van figuren, en̄ si gaen omme metten 21firmamente daer si inne staen, yeghewelke in hare eyghene 22stat, hoghere en̄ nedere, mere en̄ mindere, onghelijc van 23namen en̄ van ghedaenten, en̄ van crachten, en̄ van claerheden 24hier beneden en̄ daer boven, na diere wijs dat si van 25Gode gheciert en̄ gheordent sijn. Si en lichten van hem selven

(1) Sur. Sed hîc inferiùs percxiguae videntur oculis hominum, non nisi virtutum signa et indicia, quae forinsecùs in bonis actibus vel vident vel audiunt, cognoscentium.

[p. 91]

1niet als die hemele doen; maer si onfaen licht en̄ claerheit 2vander sonnen en̄ vanden hemelen, en̄ si blicken en̄ wederblicken 3ghelike guldenen vaten in claerheit der sonnen. Si 4verclaren den nacht, en̄ si bewisen den sciplieden de havenen 5die si begheren; maer si wiken inden daghe in claerheit 6der sonnen, en̄ si gheven haer cracht hier beneden in die 7elemente, in al dat leeft en̄ wast inder erden en̄ boven die 8erde, in die watere en̄ in die lucht.

9Nu verstaet en̄ merct hoe ons die hemele metten sterren 10inwendich hemelsch leven leren.