Logo DBNL
Werken. Deel 4. Dat rike der ghelieven. Vanden vier becoringhen. Vanden seven sloten. Van seven trappen (1861)

Werken. Deel 4. Dat rike der ghelieven. Vanden vier becoringhen. Vanden seven sloten. Van seven trappen

(1861)–Jan van Ruusbroec–rechtenstatus Auteursrechtvrij

Vorige Volgende

Van Christus inkarnaciën, ende dat hi den mensce hermaect heeft mids den seven Sacramenten. C. II.

16Dat ander punt is dat hi sprect, hi hevet wederleidet. 17Nieman en behoevet wederleidens, noch en wert wederleit, 18dan die verdoelde. Want menschelike nature is ghevallen 19overmits de sonden des iersten menschen; ende de nature 20die vri was, es worden een kerkere ende een ghevankenisse, 21ende ene ellende, ende een awech(3) ende een verdolen hen 22allen(4) diere in gheboren werden(5): want si sijn kijndere

1der onghehoirsamheit. Nu hevet de Here onse nature ane 2ghenomen, ende hevet den mensche wederleidet; want hi 3heeft daer in gheweest oetmoedich, ghehoirsam ende dienstachtich 4sinen Vader, ende den mensce ghetrouwe in leerne, 5in exempele, in goedertierenheiden; ende hevet ghearbeit in 6caritaten, en̄ ghedoecht in saechtmoedicheiden en̄ in verduldicheiden, 7en̄ is ghestorven in minnen, ende heeſt die scout 8betaelt in gherechticheiden, ende heeſt de nature op ghevoert 9in vriheiden. Al dus is die nature los, ende alle die persone 10die in Christo herboren werden, die sijn vri.

11Wie dat in Christo herboren wil werden ende vri sijn, hi 12moet ghelovich sijn, ende hi moet dat ierste Sacrament des 13Doepsels hebben: dat is een teyken gheesteliker reyninghen, 14ende een hercleeden in kersteliker eninghen enes nuwes 15levens; ende hi moet vertien des viants en̄ sijns diensts, en̄ 16Christo trouwe gheloven(1). Ende hem werdet ghegeven dat 17cleet der onnoselheit; dat is sine sicle wert ghecleet metter 18doot ende metter verdienten Christi: dat moet hi gheloven 19onbevleet te bringhene van sonden, ten ordele Gods. En̄ hi 20ontfeet ‧iiij‧ dinghe: dat ierste is een verlossen van ewigher 21pinen; dat ander is werdich te sine ewigher vrouden; dat 22derde is godlike gracie alle uren voirt te gane in nuwe 23doechde; dat vierde es deelachticheit al dies goeds dat ye 24ghedaen wert, en̄ immermeer ghedaen sal werden.

25Omme sine gheloefte(2) bat te quitene, ende die gracie 26Gods te meerne(3), soe sal die mensche dat ander Sacrament 27ontfaen, dat heetet vermen(4) ofte sterken; en̄ hi sal begheren 28dat cruce Christi te draghene jeghen den viant, jeghen

1die werelt en̄ jeghen sijns selfs vleysch. Soe werden hem 2ghegheven ‧iij‧ dinghe: dat ierste is, die gracie Gods wert 3ghemeerret; dat ander is, die viant wert ghecranct, ende 4ontsietene te meer; dat derde is, die mensche wert ghesterct 5in allen dogheden. Al dus wert die mensche herboren, en̄ 6gheciert inder doepen, en̄ ghesterct inden vermene. Nu want 7overmits hoverdicheit des ghemoets en̄ begheerlicheit der 8zielen en̄ ghelost des lives(1), soe valt die mensche dicke in 9eyghine propere sonden, ende brect sijn gheloef, en̄ besmet 10sine siele, en̄ verliest die gracie Gods, en̄ versmaet de doot 11en̄ dat verlossen Christi.

12Maer want die mensche wandelbaer es, die Here, diene 13heeſt ghemaect ende weder hermaect overmits sine doot, 14die ne wildene niet verliesen; maer hi hevet ghelaten inder 15heyligher Kerken dat derde Sacrament der penitencien, dat 16is rouwe van sonden. Daer toe behoren van des menschen 17weghen ‧iiij‧ dinghen, die moeten ghescien overmits een beroeren 18Gods: dat ierste is een ghewarich leet sijn, datmen 19ye misdede; dat ander es een gheheel wille(2) nemmermeer 20sonde te doene; dat derde is een volcomen wille der heyligher 21Kerken ghenoech te doene in biechten, en̄ in penitencien, 22na priesters rade; dat vierde is ene hete begheerlicheit 23Gode emmermeer te dienen in octmoedigher ghehoirsamheit, 24ende hem ghetrouwen ewigher salicheit(3), ende belien sine 25sonden in groter bitterheit. Dese ‧iiij‧ punte moet die mensche 26hebben van gherechter noet, soe werden hem sine 27sonden vergheven en̄ mere gracien ghegeven dan hi te voren 28hadde; ende hi wert deelachtich alle der weldaden der heyligher 29Kerken.

1Want hi van ellenden(1) comet te lande(2), ende van 2vremden te vrienden, ende van armoede te rijcdomme, ende 3van dode te levene, ende van rouwe te bliscapen: daer 4omme hevet Christus dat vierde Sacrament gheordiniert te 5eenre sonderlingher werscap; dat is sijn lijf en̄ sijn bloet 6in spisen en̄ in dranke, op dat wi met hem verenighen ende 7nemmermeer en sceiden. Dat sal die mensche ontſaen met 8oetmoedigher reverencien ende mit werdicheden; want hi 9ontſeet dien, die hem ghescapen heeft en̄ alle dinc. Hi sallen(3) 10oec ontfaen mit ynnigher begheerliker toevoeghelicheit(4), 11want hi is die ghene die om hem ghestorven is in ghetrouwer 12minsamheit, ende hi wil hem gheven hem selven inder 13ewicheit.

14Dat vijſte Sacrament is Ordine, die scheet den mensche 15van aertsche ghenoechten en̄ onledicheiden, en̄ voeghet den 16mensche te Gode in groter vredelicheit ende werdicheit(5), 17op dat hise(6) ontfeet in begheerliker gherechticheit(7). En̄ 18hem wert ghegeven in doechden ondersceet; en̄ hi werdet 19gheciert en̄ gheset in sonderlingher edelheit; ende de tekene 20bliven inder ewicheit.

21Dat seste Sacrament is Huwelijc, op dat die mensche 22die in de werelt blivet, wettelijc leve, ende trouwe ghelove 23ieghewelc andren(8) ende houdse hem tote in die doot.

24Dat' sevende Sacrament es Olisel. Dat sal die mensche

1met begheerten ontfaen alse hi niet langher leven en waent, 2op dat hem sine daghelike sonden ende verghetene sonden 3werden vergheven overmits dat Sacrament ende dat ghebet 4der priestere en̄ der heyligher Kerken.

5Dit sijn die ‧vij‧ Sacramente die wederleiden den mensche 6vander ewigher doot der erſsonden ende der eyghenre sonden, 7ende der dagheliker sonden, en̄ wapenen jeghen den 8viant, ende ordenerenne en̄ voeghene te Gode, en̄ gheven 9hem wittich leven inder tijt(1).

10Dit is dat ander punt vanden ‧v‧ principalen, hoe die 11Here hevet wederleit den mensche tote hem selven overmits 12sine doot, ende overmits de seven Sacramenten.


Vorige Volgende