Werken. Deel 2. Vanden gheesteliken tabernakel

Regelnummers proza verbergen

Vanden Waterghiere. C. CXXIX.

10Die vijfte voghel dat es de Waterghier. Hi es swaer van 11naturen, ende daer omme springt hi ·iij· spronghe voert, eer 12hi heme verheffen can te vlieghene⁽²⁾. Hier mede verstaen 13wi de ghiereghe menschen, die Gode gnoech willen sijn ende 14der werelt⁽³⁾. Die sijn in der naturen swaer: selen si vlie- 15ghen, si moeten overspringhen ende vergheten rijcdoem 16der werelt, ghenoechte des lichamen, sorghe van herten; 17ende also moghen si bekennen goet ende quaet, loghene 18ende waer, ende hoe si leven souden na den wille Gods⁽⁴⁾. 19Maer de ghiere ende de ghiereghe sijn so swaer, si vallen 20saen ter eerden, ende wandelen met de beesten in hoever- 21den; ende si swemmen met den vesschen in ghenoechten; 22ende si vlieghen met den voghelen in scalker behendicheit. 23Alse des ghiers plumen berren, van dien roeke vlien de ser-

(2) Zie Plinius. Hist. nat. Lib. X, cap. 54.

(3) Sur. Deo simul et mundo satisfacere conantes.

(4) Sur. et quemadmodùm juxta Dei voluntatem vivendum sit.

[p. 205]

1pente; ende alse een ghierech mensche Gode begheert te 2dienene, so vlien de viande van heme. In stride, ende in 3volcwighe⁽¹⁾, so edt de ghier menschenvleesch; ende alse de 4ghiereghe mensche wennen ochte verliesen soude⁽²⁾, so be- 5gheert hi dicwile der menschen doet. Die groete ghier⁽³⁾ doedt 6sine moeder, ende also doet groete ghierecheit: si doedt 7de sielen daer si ute gheboren es. De ghier leeft wel hondent 8jaer, ende went sine jonghe sonder man⁽⁴⁾: ghierecheit 9duert⁽⁵⁾ oec wel hondert jaer (eest also dat de mensche also 10langhe leeft), ende si wast ute der sielen allene, sonder iemens 11toedoen; want al ware de mensche alleene in eerterike, 12nochtan soude hi ghierech sijn. Maer de gheervalke⁽⁶⁾ nemt 13den ghier dicwile sine jonghe, ende also doen de lantshee- 14ren⁽⁷⁾: die nemen dicwile den ghiereghen daer si langhe 15over ghearbeidt hebben.

(1) Dat is in volkskryg of beroerte. Wych, wighe beteekent stryd, gevecht. Zie Kiliaen, en het woord verklaerd in de Taelkundige Mengelingen onder de zinspreuk Linguae partriae excolendae amore, bl. 42, vlgg.

(2) Sur. itidemque avari, quando vel lucrum sperant, vel jacturam metuunt.

(3) Surius vertaelt vultur grandescens.

(4) Sur. et (dicitur) absque maris commixtione concipere.

(5) A. doert.

(6) Kiliaen heeft ghiervalck, en vertaelt falco magnus, hierofalcus. By Surius heet hy falco rapax.

(7) Sur. ita principes ac domini terrarum identidem ab avaris, enz.