Doe bleefs in mich
(1982)–Felix Rutten–
Auteursrechtelijk beschermd
[pagina 72]
| |
Vergaefs verdreitIch höb mien zeile dan mer ingehaold.
Wie gaer hei 'ch nog nao Corfu wille vare!
Mer 't haet neit wille zeen: wae kènjer haet,
Dae mòt in tieds auch veur zien kènjer sjpare.
Ich zit dan mer en kiek nao 't vrungele* van
dat lötig* sjeepsbedrief op 't lokkend water;
Beutjes aan pööl gekloesterd langs de kaai.
Dat klosje, golf aan golf, dat wildj gesjater!
De zòn geit op, de zee volgt höre gank.
Van wieds mich palme wènke en paleize.
Sjneewitte berg langs blauwen hemel sjtaon.
Mer nooit mee zal ich nao Corinthe reize.
Nao Delphi, nao mien heerlik Parthenon,
Doe, landj van zòn en zee en riepe kleure!
Ich kan neit wieër es ich gekòmme bèn.
Vergaefs verdreit, ocherm: gesjlaote deure...
|
|