Rethoricale wercken(1562)–Anthonis de Roovere– Auteursrechtvrij Vorige Volgende Refereyn. GHy Jonghers die al te borghene // soeckt Vwe groote schulden, hoe suldt ghy varen Ende luttel te besorghene // roeckt Ghy borcht sorgheloos sonder sparen Dat ghy noch tachter zijdt van veel iaren Ghy schrijft aen weeghen, ghy kerft op keruen Maer oft de keruen yseren waren Waer soudt ghy dan solaes verweruen Peyst vry de weerdt en sal niet steruen Sijn herberghe en hebdy niet in eruen Tis clare betalinghe die hy begheert Want ghijdt ontrijden, dat zijn al scheruen Teghens tvertrecken, soe rekent de weerdt. De weerdt die mach wel borghen // langhe Maer tJan int eynde wil hy betaelt // zijn Naer tauondt coempt eenen morghen // stranghe [Folio 89v] [fol. 89v] Daer alle schulden gheachterhaelt zijn Jn des weerdts rekeninghe mach niet gefaelt zijn Hy weet wel datmen vertrecken moet De vren en tijdt hem niet ontpaelt zijn Want hy is van allen plecken vroedt Al is hy diversch verwecken goedt Van vleescher weelde of tswerelts beulecken spoet Peyst tis temptatie, die v smeert Want redene seegt, die claer ontdecken doet Teghens tvertrecken soe rekent de weert. Dese werelt is als herberghe bekent Daer de weert af is Godt van hemelrijcke Maer als hy zijn auondtgaerde de doot wt sendt, Dan waeyter een wonderlijcke practijcke Al dat menschelijck is, ghemaeckt van slijcke Moet rekeninge gheuen van goet van quade Edel, aerm, rijcke, machtich soot blijcke Wijf, man, tmoet al ten seluen trade Van eenen sade, van woorde oft dade En wordt versweghen voor Godts ghenade Twordt al ghewroecht, hooft, middel en steert Dus machmen wel segghen vroech ende spade Teghens tvertrecken soe rekent de weert. ¶ Prinche. Prinche werckt wat ghy ouerleden zijdt Ende wy alle int tswerelts gheueert Men siet wie dat tonvreden strijdt Teghens tvertrecken soe rekent de weert. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij