Rethoricale wercken
(1562)–Anthonis de Roovere–
Auteursrechtvrij
[Folio 88v]
| |
Der pijnen ghewoone, ende tetene half sadt
Waghenaers die dickent maken haer badt
Jn diepe staten met laste verstelt
Jan tachter kinders al bachten nat
Mishoude ter eerster missen ghemelt
Die anderen menighen trap ontelt
Quaetslaghers die altoos hebben den tuck
Rompelborsen, ghildebroers qualijck int gheldt
Sulck als ick ben maeckt plaetse en veldt
Staet betacht men saeydter gheluck.
Hoordt oock nv alle ghy venus dreetkens
Die vingherkens dout of int oorken ruynt
Ende susterkens, die matten doen metten geetkens,
Tsauonts onder de crane alst weder bruynt
Wiens capellanen zijn meest voor knyen gecruynt,
Oude cordewaghencruyers ende sackdraghers
Wiens habijten met lappen meest zijn doorthuynt
Voort gheborsten volders ende hase Jaghers
Hanghemans, hondtlsaghers, Cafcoenvaghers,
En Suypers ghewuene te lijdene druck
Cruepele, blinde, steinders ende claghers
Makelghen, potspinneghen ende cantknaghers
Staet betacht men saeydter gheluck.
Hoort Canonicken van sinte Cristoffels oordene
En ghasthuys muyters qualijck inde pluymen
Die doxel fremeneuren pleghen te vermoordene,
Sonder wet oft vonnisse tusschen den duymen
En quadebeleyders die anderen tlandt doen ruymen,
Die in hueren voedt, eer vinden eenen doren
Dan nobels inde borse, by costuymen
| |
[Folio 89r]
| |
En weeldekens die aten haer wittenbroodt voren
Roemers van vrouwen, wreedt versworen
Stinckende voor vrou Venus als den buck
Cappoenders teender oude placke weerdich geboren
Men seydt ons aldus al hebben wijs thoren
Staet betacht men saeydter gheluck.
¶ Prinche.
Dits al volcxken van cleynen proffijte
Verslaghers die stelen menighen huck
Schoelien, bradende den harinck om de kijte
Hier te ghapene baedt niet een mijte
Staet betacht men saeydter gheluck.
|
|