Rethoricale wercken (1562)

Rethoricale wercken

(1562)–Anthonis de Roovere– rechtenstatus

Auteursrechtvrij

Vorige Volgende


Refereyn int vroe. KEnt gods hoocheit, kent v selfs onwaerdicheit Kent v seluen, kent ws doods certeynicheyt Kent gods ootmoedicheit, kent v houaerdicheit Kent Gods heylicheyt, kent v selfs vileynicheydt Kent Gods duecht, kent u selfs onreynicheyt Kent Gods liefde, kent v selfs leetheyt Kent gods mogentheyt, kent v selfs cleynicheyt Kent gods saechtmoedicheyt, kent v selfs wreetheyt Kent Gods wijsheyt, kent v sotte breedtheyt Kent Gods ontfermherticheyt, houdt zijn gebodt Kent Gods rechtuaerdicheyt, kent u onbescheetheit Och kent v seluen, soe kent v Godt. Wildy ghekent zijn ter tafelen ons Heeren Kent v een beeste wien broodt ghebrack Kent v seluen altijdt onnnut, met eeren Den Heere tontfaene onder v dack Kent uwen sterffelijcken broosschen sack De minste altijdt waer dat ghy zijt
[Folio 39r]
Kendt v soe die verlorene sone sprack Misdadich, heyscht ghenade sonder respijt Kendt doch al uwen verquisten tijdt Loopt om te zijne int hoochste slodt Kendt v kattijuicheyt ter wereldt wijt Och kendt v seluen soe kendt v Godt. Kendt v seluen aerme aerdtsche wormkens Kendt v seluen van slijme ghewrocht Kendt v seluen Gods beelde, gods wormkens Kendt v seluen soe zijdy wel bedocht Kendt v seluen een dierbaer peerle ghecocht Daer dopperste coopman om gaf al tzijne Kendt v seluen, tschaepken wederbrocht Dat verloren was inde wilde woestijne Kendt v seluen eene broosche mijne Heden vast te stane, ende morghen verrodt Kendt v seluen, ende vreest deewighe pijne Och kendt v seluen, soe kendt v Godt. Prinche pijndt gheerft te zijne int Paradijs Ende pijndt in v bruylofts cleerkens te stane Tis noodt, leeft als de maechdekens wijs Reyne olie in v lampe te ontfane Vreeset bijl dwelck gheheuen is omme te slane Stort wt v droeseme, vaet nieuwen dranck Maeckt v rekeninghe voor den Heere te ghane Aerbeydt om loon, sulck werck sulck danck Elck pijne hem te gane den rechten ghanck Slaept niet, wacht voor den wolf int codt Kent v ghebroken lieuer corts dan lanck Och kendt v seluen soe kendt v Godt.

Vorige Volgende