Lietboeck inhoudende schriftuerlijcke vermaen liederen, claech liederen, gebeden, danck liederen, lofsanghen, psalmen, ende ander stichtelijcke liederen

Dat iiij. liet onder de verscheyden liederen.

DINHOVT.

Dit is den lofsanck Zacharia door Lucas den Euanghelist aen zijn eerste Capittel beschreuen, waer in hy den Heere danck seyt voor die veruullinghe zijnder beloften, aen den voorvaderen ghedaen, van Christus den salichmaker ende verlosser der werelt.

Singt met aendacht.

⁺GHeloeft soo sy de Heere seer goet,
Den Godt Israels

+ mat. 1. c, 21
Luc. 2. d, 30

[p. 122.r]

 

 

vriendlijc en soet,

 

Hy heeft syn volleck wt ghenaden,

 

Versocht, verlost ende ontladen.

 

 

 

† Hy heeft den horen der salicheyt ⁺

 

Seer vol ghenaden ende waerheyt

 

Voortsghebracht ende oock opgherecht

 

In dat huys van Dauid synen knecht.

 

Also hy beloeft hadde certeyn

 

* Door syn Propheten heylich en reyn ⁺

 

‡ Ons te verlossen wt de handen

 

Van onse haters en vyanden.

 

Op dat hy toch bermhertichede

 

Al aen onse voorvadren dede

 

En syn verbont heylich en clare

 

Volbracht ende ghedachtich mare.

 

† Te weten den eedt vast ende sterck ⁺

 

Die hy Abraham al in dit perck

 

Onsen voor Vader heeft ghesworen

 

Diens gheslacht hy heeft vercoren.

 

Belouende ons al te gheuen

+ Leui. 25.a. 9
Psa. 132. 25

+ Esa. 40. 10.
Jer. 33.

+ Gen. 22. 16

[p. 122.v]

 

Verlost te zijn in desen leuen

 

Van ons vyanden minst en meest

 

Om hem te dienen seer onbevreest

 

Alle die tijt onses leuens lanck

 

In heylicheyt reyn sonder bedwanck

 

Ende gherechticheyt heerlijck fris

 

Die Godt den Heer behaghelijck is.

FINIS.