Lietboeck inhoudende schriftuerlijcke vermaen liederen, claech liederen, gebeden, danck liederen, lofsanghen, psalmen, ende ander stichtelijcke liederen
(1582)–Hans de Ries–
AuteursrechtvrijSingt met aendacht. MYn siel wilt louen den Heere goet,
Vertreckt niet langer hem te
| |
[pagina 85.v]
| |
 prijsen,
Louet uwen Godt met stemmen soet,
Wilt hem dancken en eer bewijsen.
Als ick was in noot ende ancxt swaer
In druck in strijdt niet om vertellen
Ghy trooste my mijn Godt openbaer
Ghy streedt seer teghen die my quellen
Ick riepe tot v mijn Godt en Heer
Ick schreyde hert met groot verlanghen
Doet my hulpe ende bystant seer
Hoort mijn ghebedt wilt dat ontfangen.
Myn vyanden veel en menichfout
Bestreden my aen allen zijden
Dat vlees werelt en Satan seer stout
Verweckten mijn siele groot lijden
Met valsche leere heylich in schijn
Met swerelts blijschap ende lusten
So wert bestreden die siele mijn
Van haer vyanden vol onrusten.
| |
[pagina 86.r]
| |
Van dijn waerheydt sy my sochten snel
Te leyden O mijn Heer der Heeren
Van dy en dijn Goddelijck beuel
Sochten sy mijn siele te keeren.
Maer ghy mijn Godt en mijn salicheyt Ga naar margenoot+
En hebt my Heere niet verlaten
Dijn hulpe groot hebt ghy my bereyt
Met dijn cracht quaemt ghy my te baten.
Door dijn ghenaed' en heyligen geest
Hebdy Heer goet mijn siel in desen
Ghedaen v bystant in dit tempeest
Des moet ghy altijt gheloost wesen.
Ghy hebt bewesen v weldaet groot
Aen my teghen al mijn vyanden
Laet my niet Heere in sulcken noot Ga naar margenoot+
Tot gheenen tijt comen tot schanden.
Staet mijn siele by tot alder tijt
Verlaet my niet in desen leuen
In druck in noodt noch in ancxt noch strijdt
En wilt my Heere niet begheuen.
V sing ick lof mijn Heere seer goet
Eewich sy uwen naem ghepresen
V looft mijnen gheest en siet met spoet.
V sal ick altijt danckbaer wesen.
FINIS.
|