Lietboeck inhoudende schriftuerlijcke vermaen liederen, claech liederen, gebeden, danck liederen, lofsanghen, psalmen, ende ander stichtelijcke liederen

[p. 58.v]

Dat xij. Claechliet.

DINHOVT.

Dit is een ghemeyn gebedt, om inder gemeenten vanden geloouighen ghesonghen te worden, inden welcken so den Heere aenroepen om hulpe ende bystandt in alle noot, ende bidden om ghenadighe behoudinghe inden ghelooue.

Singt met aendacht.

Onsen Godt wy bidden v tsaem,
Om dijne hulpe vroech en spade,
In alle nooden wilt ons bystaen,
Wilt ons O Heere toch slaen gade,
Waeckt ouer ons O crachtighe

[p. 59.r]

 

 

Heer,

 

Want ons vyanden die rasen seer.

 

Voor valsche leer ons Heer bewaert ⁺

 

Voor ongheloof en dwaling mede

 

Dijn reyn waerheyt ons gheopenbaert

 

Laet ons behouden taller stede

 

Wilt ons stercken O Heere crachtich

 

Dat wy daer by blijuen warachtich.

 

Bewaert ons voor den duyuel seer quaet ⁺

 

Voor zijn dienaers groot van ghetalle

 

Oock voor zijnen list en valschen raet

 

Daer toe voor zijne netten alle

 

† Voor die pijlen die hy schier met vliet ⁺

 

‡ Dat sy onse siele quetsen niet.

 

Bewaert ons toch Heere almachtich

 

Voor die werelt vals en onreyne ⁺

 

Voor al haer aenlocken schoonachtich

 

Voor al haer heerlijckheyt ghemeyne

 

Bewaert ons nv tot in eewicheyt

 

Dat sy ons Heere niet en verleyt.

 

Bewaert ons Heere in allen strijdt

 

† Verlost ons van ons vyanden hant

 

O ghy onsen Godt ghebenedijt ⁺

+ Mat. 6. a, 9

+ mat. 6. b, 13

+ Psa. 91. a 5
Eph. 6. b 16

+ Jac. 1. c, 27.

+ Luc. 1. g, 66

[p. 59.v]

 

Doet ons in alle nooden bystant

 

Bewaert ons nu ende altijt fris

 

Voor al wat sond' en v teghen is.

 

Behout ons Heer int ghelooue goet

 

In dijne waerheyt seer verheuen

 

⁺† In dat verbont troostelijck en soet

 

‡ Daer wy ons hebben in begheuen

 

Behout ons Heere hier in dit perck

 

Altijt by uwe heylighe kerck.

 

Laet ons behouden Heere dijn woort

 

Dijn rechte leere suyuer en claer

 

Die wert vercondicht ende ghehoort

 

⁺‡ Al in dijner ghemeenten voorwaer

 

Bewaert ons oock voor huerlinghen al

 

Rechte dienaers gheeft Heer dijn ghetal.

 

⁺O Heylghe Godt bouwet op v rijck

 

In onse herten alle te saem

 

Heer Zebaoth niemant ws ghelijck

 

⁺‡ Woont in het midden by ons bequaem

 

Schijnt in ons met dijne claerheyt licht

 

Weest toch ons leuen ende ghesicht.

 

O Godt Vader staet ons toch hier by

 

Wy roepen tot v met gheloof vast

 

O Christe maeckt ons van sonden vry

 

Van alle ghebreecken ons ontlast

 

O heylghe gheest heylicht ons heel nu

 

Eenich Godt wy beuelen v.

FINIS.

+ 1. Pe. 3. c 21
‡ heb. 10. 16.

+ Psa. 65. a, 1

+ mat. 6. b, 10

+ Apo. 21. a, 3