Lietboeck inhoudende schriftuerlijcke vermaen liederen, claech liederen, gebeden, danck liederen, lofsanghen, psalmen, ende ander stichtelijcke liederen

Dat vij. Claechliet.

DINHOVT.

Die gheloouighe siele van vele vyanden in desen leuen bestreden zijnde, claecht in desen liede den Heere haer lijden ende roept hem aen om hulpe ende bystant, begeerende vanden Heere cracht

[p. 50.r]

ende sterckheydt, om staende te blijuen in alle wederwaerdicheyt ende om strijdende met vrymoedicheydt sonder vreese alle hare vyanden te ouerwinnen, etc.

Singt met aendacht.

VVaeckt op mijn siel treet totten Heere,
Want het is meer dan tijt,
Dijn vyanden stercken haer seere,
Om v te leueren strijdt,
Spoedt v tot Godt met vlijt,
Want van hem comt v hulpe meere,
Haest

[p. 50.v]

 

 

v neemt gheen respijt.

 

Wildy O siele langher beyden

 

Sonder tot die Heer dijn

 

Om hulpe en bystant te schreyden

 

So meerdert druck en pijn

 

Daerom O siele mijn

 

Laet v tot Godt om hulpe leyden

 

Keert v tot zijn aenschijn.

 

⁺‡ Mijn vyanden veel zijn bevonden

 

Die mijn siel met ghequel

 

Bestrijden Heer tot allen stonden

 

Seer listich ende snel

 

Als ick soeck ruste wel

 

So opent hem niet om doorgronden

 

Tghewelt mijns vyants fel.

 

Ghy weet mijn lijden Heer ghepresen

 

Aensiet mijn siel in noot

 

Mijn bespotters Heere in desen

 

Sijn int ghetal seer groot

 

Waer ick my keere bloodt

 

Des menschen spot mijn siel moet wesen

 

Staet my by Heer minoot.

 

⁺‡ Mijn vrienden die my Heere plachten

 

Vriendlijck te wesen siet

 

Seer smadich sy mijn siel verachten

 

Ick ben der menschen liet

+ Psa. 3. a, 1.

+ Psa. 27. 10.

[p. 51.r]

 

Daerom mijn siel met vliet

 

Wilt niet meer menschen troost betrachten

 

Want sy zijn als het riet.

 

Tot v o Heere wil ick vluchten

 

‡ Ghy zijt mijn hulpe sterck ⁺

 

† In ancxt en noot so wil ick suchten ⁺

 

Tot v Godt mijn bolwerck

 

‡ Mijn deel daer ick op merck ⁺

 

Voor mijn vyant laet my niet vruchten

 

Staet my by int strijdtperck.

 

† Gheeft my cracht, Heer laet niet tot schanden ⁺

 

Hier comen uwen knecht

 

Staet neuen my sterckt my de handen

 

Als ick ben int ghevecht

 

‡ Bewaert my wel en slecht ⁺

 

Int midden van al mijn vyanden

 

In uwe waerheyt recht.

 

Op v hulp Heer tot allen tijden

 

Wilt mijn siel hopen claer

 

† Met v spring ick zijnde in lijden ⁺

 

Ouer die mueren daer

 

Ghy sult helpen voorwaer

 

Mijn siel van al die haer benijden

 

Door v cracht openbaer.

FINIS.

+ Psa. 46. a, 1

+ Psa. 77. a, 3

+ Psa. 16. a, 6

+ Ps. 27. b, 12

+ Ps. 25. c, 21.

+ Ps. 18. d, 30