Lietboeck inhoudende schriftuerlijcke vermaen liederen, claech liederen, gebeden, danck liederen, lofsanghen, psalmen, ende ander stichtelijcke liederen
(1582)–Hans de Ries–
Auteursrechtvrij
[pagina 32.v]
| |
Dat xviij. vermaenliet.DINHOVT.
Dat des Heeren dach haestelijck te comen staet, inden welcken hy alle vlees sal rechten ende oordeelen ende een yder gheuen den loon zijnder wercken, sulcx wert in desen liede cortelijc verclaert, werden derhaluen alle menschen tot boete ende beteringe des leuens vermaent, op dat sy in desen tijt der ghenaden mochten ghenade vercrijghen ende salich worden, etc. | |
Singt met aendacht. VReeset den Heer O ghy menschen al,
Want synen dach die staet te comen,
Gheeft v tot Godt en tot zijn ghetal,
Anders.
| |
[pagina 33.r]
| |
 maeckt u het swaer verdomen.
Wilt God aencleuen doet rechte boet
Staet af van tquaet schickt v ten goeden Ga naar margenoot+
Schreyende valt den Heere te voedt
Wilt v met rouwe tot Godt spoeden.
Ghy sondaers al en vertreckt toch niet
Doet boete haest al in dit leuen Ga naar margenoot+
Die werelt en al haer lusten vliedt
Wilt v tot Godes dienst begheuen.
Spoet v met vlijdt O ghy menschen tsaem
Om Godt met lust en liefd tancleuen
Wilt niet langher in sonden voortgaen
Vreest Godt wilt voor zijn oordeel beuen.
Blijft niet langher in v sonden doot
Beladen met quaet en misdaden
Schreyt tot den Heere met rouwe groot Ga naar margenoot+
Laet v tot boet en betering' raden.
Des Heeren dach coemt seer haestich aen
Ten oordeel comt die Heer der Heeren
Alle menschen voor hem sullen staen
Daerom wilt v tot Godt bekeeren.
Godts toorne groodt en gramschap seer snel
Godes handt ende sweert sonder sneuen
| |
[pagina 33.v]
| |
Sal den quaden oueruallen fel
Die sonder boet in sonden leuen.
Maer die bekeerde sondaren al
Die haer van tquaet tot tgoede keeren
Ouer haer hem toch ontfermen sal
Die stercke Godt die Heer der Heeren.
Des neemt den tijt der genaden waer
Ghy menschen groot en cleyn met eenen
Soeckt Gods goetheyt en ghenade claer
Eer ghy aensiet den dach van weenen.
FINIS. |