Lietboeck inhoudende schriftuerlijcke vermaen liederen, claech liederen, gebeden, danck liederen, lofsanghen, psalmen, ende ander stichtelijcke liederen

Dat xvj. vermaenliet.

DINHOVT.

Tewijle in dese daghen vele schijnheylighen haer van gherechticheyt beroemen, sonder een bevindelijcke duecht ende reynicheyt des gemoets, so wert in desen liede tot die inwendighe reynicheyt der sielen vermaent, die Godt behagelijck ende welgheuallende is.

[p. 29.v]

Naer die voyse. Het sweert is wtter scheyden Om te storten donnoosel bloet.

Singt met aendacht.

BRoeders en Susters al tsamen
⁺Wilt uwen roep nemen waer
Wandelt al naer tbetamen
⁺Dat licht des werelts naer
So sult ghy leuen sonder vaer
⁺Eewich by Godt verheuen
Een eewighe vreucht sal v seer claer
Van Godt worden ghegheuen.

⁺Wilt den Heere beminnen

Met hert ende ghemoet
⁺Met al v cracht en sinnen
Hangt aen den Heere goet
⁺V toch in syne weghen spoet
Nu en tot allen daghen
⁺Wandelt voor hem in al ootmoet
So sult ghy hem behaghen.

⁺Een reyn hert wilt betrachten

En eenen nieuwen gheest
Seer hooge so wilt achten
⁺Een suyuer ghemoet meest
Inwendich reyn smaeckt wel den keest
⁺Moeten wy zijn bevonden
Des wilt betrachten in dit foreest

+ Eph. 4. a, 1

+ Joa. 8. b 12

+ Apo. 28. a. 5

+ mat. 22. 36

+ Deut. 6. a 6

+ Eph. 5. a, 1

+ 1. pet. 5. a, 6

+ mat. 5. a, 8.
Psa. 51. 12.

+ Psa. 14. a 4

+ Mt. 23. 25.

[p. 30.r]

 

Afwassinghe van sonden. ⁺

 

V en leyt niet in veel reden ⁺

 

Noch in den wtwendighen schijn

 

Maer therte hier beneden

 

Dat moet ghereynicht syn ⁺

 

Door water en gheest verstaet wel mijn

 

Moeten wy zijn herbooren

 

Souden wy blyuen voor Gods aenschijn

 

En dwoort van vreden hooren.

 

Christus die Heer ghepresen

 

Die spreeckt met woorden cleen ⁺

 

Ten sy dat wy in desen

 

Gherechtigher zijn ghemeen

 

Dan daer waren die Phariseen

 

So en moghen wy niet verblijden

 

Int rijcke der Hemelen certeen

 

Nu noch tot gheenen tijden.

 

Nu laet ons wel aenmercken

 

Der Phariseen gherechtigheydt

 

Sy sochten door haer wercken ⁺

 

En wtwendich schijnheylicheydt

 

Godt te behaghen wijt en breyt

 

Sy ginghen haer vertooghen

 

Seer heylich in schijn als de schrift seyt ⁺

 

Al voor der menschen ooghen.

 

Maer Christus seyt seer claerlijck

 

Sy souden eerst maken reyn

 

Den beker inwendich waerlijck ⁺

 

Dat wil die Heer int ghemyn

+ 1. Joa. 1. 17

+ 1. Joa. 3. 18
mat. 23. 16.

+ Mat. 5. a. 8
Joa. 3. 4, 5.

+ mat. 5. c, 20

+ Luc. 18. 11.
mat. 23. 27.

+ Mat. 6. a 2

+ mat. 23. 25.

[p. 30.v]

 

⁺Die suyuerheyt des herten alleyn

 

Mach Godt met gheloof behaghen

 

Oock alle vruchten groot en cleyn

 

Die een reyn herte draghen.

 

Christus seyt hoort mijn vermonden

 

Salich so zijn sy al

 

⁺Die reyn van herten zijn beuonden

 

Dat is Godts vercoren ghetal

 

Op Godes berch met blijden gheschal

 

⁺Sullen sy vreucht behouwen

 

Die reyne sullen breedt ende smal

 

⁺Godes aenschijn aenschouwen.

 

Dit zijnse die met lusten

 

⁺Dat Hemelsche soecken altijt

 

In Godt sy ghestadich rusten

 

Sy zijn ghebenedijt

 

Al vanden Heere die haer verblijt

 

⁺En in haer heeft zijn woone

 

Wel salich ghy reyne hoopken zijt

 

⁺Ghy verwacht sleuens croone.

 

Wie vanden Heere verheuen

 

Also ghereynicht is

 

⁺Die sal met lust wel leuen

 

In zijn gheboden fris

 

Sy zijn hem oock seer licht ghewis

 

Om houden en om doene

 

Al naer der Schrift ghetuyghenis

 

⁺Sy haer tot deuchden spoene.

 

Mijn vrienden altesamen

+ Psa. 24. a 4

+ Mat. 5 a, 8
1. Pet. 2. a 9

+ 4. Esd. 2. 42

+ Mat. 5. a, 8

+ Colo. 3 a, 1.
Heb 4 b. 10
Ephe. 1. a. 3

+ 2. Co. 6. 16

+ Apo. 2. b, 10

+ Psal. 1. a, 2
1. Joa. 5. a 3
mt. 11. c, 29.

+ Tit. 2. b, 14.

[p. 31.r]

 

Naer dese reynicheyt staet

 

Ten leyt niet inden name

 

Maer in de cracht en daet

 

⁺

 

Met gheloof totten Heere gaet

 

V cranckheyt wil hy ghenesen

 

Bidt hem met vlijdt om zijn ghenaet

 

Hy sal v helper wesen.

FINIS.

+ 1. Co. 4. c 20
Heb. 11. a, 6
mt. 11 c, 28.
Mat. 7. a, 7