Lietboeck inhoudende schriftuerlijcke vermaen liederen, claech liederen, gebeden, danck liederen, lofsanghen, psalmen, ende ander stichtelijcke liederen

Dat xiij. vermaenliedt.

DINHOVT.

Allen geloouigen werden in desen liede vermaent tot een Godsalich ende duechdelijck leuen, tot volstandicheyt inden gelooue, ende volherdinghe inder waerheyt, haer werden oock die beloften des leuens ende der salicheyt andachtich ghemaeckt ende voorghedragen mits menichderley andere goede leeringen die welcke tsamen dienen tot een Christelijck leuen ende wandel.

[p. 22.v]

Naer die voyse. Ick hoorde een maechdeken singhen Met een soo soeten gheluydt

Singt met aendacht.

OCh Broeders wtuercoren
En Susters int ghemeen
⁺Die wt Godt zijt gheboren
Door Christum den leuenden steen
Naer Godts woort wilt toch leuen
⁺Dorst naer dat water claer
Dat Godt wt liefden ons wilt gheuen
⁺Esaias tuyghet openbaer.

Godt spreeckt vol van ghenade

Jeremias int tweede siet
⁺Ick ben de leuende fonteyn adre
Wijn en melleck gheef ick om niet
Wie dorst naer dese goeden
Ende drinckt daer van eenpaer
Van diens lijue sullen vloeden
⁺Stroomen des leuens claer.

Noch meer vind ick geschreuen

⁺Wie van dit water drinckt
Dat hy daer door sal leuen
⁺In dat eewich leuen dat springt
Christus seyt ons te voren
Johannes int derde leest
⁺Wy moeten syn wedergheboren
Wtten water ende gheest.

+ 1. pet. 1. a. 3

+ Joa. 7. d 38

+ Esa. 54. a 1

+ Jere. 2. 10.
Esa. 55. a. 3
Apo. 23. 17.

+ Joa. 7. d 38

+ Joa. 4. b 14

+ Joa. 7. d 38

+ Joan. 3. a 5

[p. 23.r]

 

Herboren moet ghy wesen

 

Vlees en bloet v ontslaen

 

Dat en mach so wy lesen

 

Het rijcke Gods niet in gaen ⁺

 

Voor al wilt toch afsteruen

 

Den ouden mensche met vliet ⁺

 

Godts rijck sult ghy beeruen

 

Daer aen en twijuelt toch niet.

 

Gods gheest is onsen ghetuygher ⁺

 

In onse herten soet

 

Dat wy zijn ghewassen suyuer

 

Al in het lammekens bloet

 

Van allen onsen sonden

 

Die ons maeckten beswaert

 

Maer nu weder ontbonden ⁺

 

Door Christum onsen Aduocaet.

 

Hy heeft ons wtuercoren

 

Verlost vanden vyant fel

 

Ende ons ghemaeckt wilt hooren ⁺

 

Burghers in Israel

 

En oock mede erfghenamen

 

Al van zijn heerlijckheyt

 

Dit te belijden wy ons niet schamen ⁺

 

Voor die werelt wijt en breyt.

 

Het beest dat sy belijden

 

Is den draeck van bloede root ⁺

 

Die daer soeckt tot allen tijden

 

Godts volck te brenghen ter doot

 

Doet aen het Harnes des Heeren ⁺

+ 1. cor. 15. f 50

+ Colo. 3. a, 5.

+ Ro. 8 b, 16.
Gal. 4. a, 6.
Eph. 5. c, 26
1. Joh. 1. a 7
Apoc. 1. a, 6

+ Joa. 5. d, 32
1. Joh. 2. a 1
1. Pe. 2. a, 9
Col. 1. b, 13.

+ Eph. 2. b 18
Ro. 8. b, 17.

+ Ro. 1. b, 16.

+ Apo. 13. a, 4

+ Eph. 6. b 11

[p. 23.v]

 

Broeders en Susters al tsaem

 

Die vyant coemt ons temteren

 

⁺So ons Petrus doet vermaen.

 

Wilt nu vromelijck vechten.

 

Uwen Coninck hem vertoont

 

Op dat ghy met Godes knechten

 

⁺Op Syons Berch wert ghecroont

 

Oock als vrome campionen

 

Maeckt u al op de baen

 

⁺Den Draeck is op aerden ghecomen

 

Teghen ons ten strijde te gaen.

 

⁺Dach noch nacht hy niet rustet

 

Maer ghelijck een Leeuwe quaet

 

Gods gheeft hy gheern wtblusschet

 

⁺Quer al stroyt hy zijn saet

 

Hier teghen wilt gheloouen

 

En stercken v ghemoet

 

⁺Door tghehoor comet van bouen

 

Van Godt den Vader goet

 

Hoort die basuyne blasen

 

In Edom is het gheschal

 

Want die Helsche poorten rasen

 

V te trecken van den wech smal

 

Vergadert v met sede

 

⁺En hoort der boden gheluydt

 

Die daer vercondighen vrede

 

Tot Sion des Heeren bruydt.

 

Die wachters op Sions toren

 

⁺In middel Jeruzalem

+ 1. pet. 5. a. 8

+ 4. esd. 2. e 43

+ Apo. 13. a. 7

+ 1. pet. 5. a, 8

+ mt. 13. c, 25

+ rom. 10. 17.
Jac. 1. b 17.

+ Esa. 25. a. 7
Ro. 10. b 15

+ Apo. 21. a 2

[p. 24.r]

 

Blasen maer wie mach hooren

 

Een so lieffelijcken stem

 

Dan ghy Godes ghemeent

 

Ghy die daer zijt verciert

 

Met zijde en edel ghesteente ⁺

 

Naer Godes Woort ghemaniert.

 

Die syde heerlijck ghepresen

 

Is gherechticheyt die Godt gheeft ⁺

 

Die wt den slaep der sonden is gheresen

 

En naer den vleesche niet en leeft

 

Dat ghesteente daer en bouen

 

Sijn goede vruchten bequaem

 

Die daer spruyten wtten ghelooue

 

Sijn Gode aenghenaem.

 

Alle die met Syon haer begheuen

 

Op den berghe Hermon

 

Die hooren sonder sneuen

 

Moyses Liedeken singhen schoon ⁺

 

Te voeren is v ghegheuen

 

Den naem uwes Vaders siet

 

In uwe voorhoofden gheschreuen ⁺

 

Daerom en vreest toch niet.

 

En wilt v oock niet beswaren

 

Christus is nederghedaelt ⁺

 

Tot troost moet ickt verclaren

 

Het lam heeft voor ons betaelt ⁺

 

Maechden so zijn sy alle

 

Die dat Lam hier volghen naer

 

Dit is Gods heylich ghetalle ⁺

+ psa. 45. b. 14

+ Apo. 19. a 8
Col. 3. a, 1.
Gal. 5. c, 24

+ Deut. 32. 1

+ Apo. 7. a, 3.
Esa. 44. a 3

+ Eph. 4 a, 9

+ Joa. 1. c 29

+ 1. pet. 2. a 9

[p. 24.v]

 

Sijn wtuercoren schaer.

 

⁺V beeft door zijn adherenten

 

Die veel sy ouer al

 

Soecket Godes ghesenten

 

Hier in dit aertsche dal

 

Te moorden en te branden

 

Leuendich aen eenen staeck

 

Dat gheschiet in vele landen

 

Doort beuel al vanden draeck.

 

Maer die dit Beest aenbeden

 

⁺Ende teecken hebben ontfaen

 

Die syn des vyants leden

 

Synen loon sy sullen ontfaen

 

Onsen Godt sal haer schencken

 

Inden kelck der gramschappen siet

 

Daer en valt dan gheen bedencken

 

Om te comen wt verdriet.

 

Pijne sullen sy beeruen

 

Den Poel is voor haer bereyt

 

⁺Haren worm en sal niet steruen

 

Hier noch in eewicheyt

 

Den dach is nu voorhanden

 

⁺So Malachias doet vermaen

 

Als stroo sullen sy branden

 

⁺Sy en connens niet ontgaen.

 

⁺Maer die Christum belijden

 

Den Hertoghe des gheloofs

 

Die sullen haer berblijden

 

⁺In eewicheyt leuen altoos

+ Apo. 17. a 2

+ Apo. 19. 20.

+ Esa. 66. 24

+ Mal. 4. a 1

+ Apo. 6. b 17

+ mai. 10. 32.
Heb. 12. a. 2

+ Apo. 12. a. 5

[p. 25.r]

 

Sy sullen heerlijck blincken

 

Ghelijck der sonnen schijn ⁺

 

S menschen hert cans niet bedencken

 

Sulck een vruechde sal daer zijn.

 

Gheen hongher en sal daer wesen ⁺

 

Noch dorst in sHemels pleyn

 

Maer dat lam seer hooch ghepresen

 

Salse leyden aen sleuens fonteyn

 

Als Coninghen altesamen

 

Werden wy daer ghecroont ⁺

 

Op Syons berch naert betamen

 

So sullen wy worden gheloont.

 

Dese heerlijcke daden

 

Heeft Christus ons toegheseyt

 

Met blyschap ons te versaden ⁺

 

Als hy coemt met mayesteyt

 

In die wolleken verheuen ⁺

 

Met het Heyr des Hemels groot

 

Als die basuyn haer gheluyt sal gheuen

 

Staet al op vander doot.

 

Hier in wilt v verblijden

 

Och broeders gheloouich bekent

 

Truericheyt set nu besijden ⁺

 

Belijdt Christum aen allen ent

 

Openbaer laet v licht schijnen ⁺

 

Voor den draeck dat felle beest

 

Al schiet hy met vierighe pijlen ⁺

 

Weest vrymoedich onbevreest.

 

O Heere hooch verheuen

+ mat. 13. 43.
Sap. 3, a 7,
1. co. 2. a, 9.

+ Apo. 7. b 5
Esa. 49. 10

+ 4. esd. 2. c 43

+ Luc. 6. c, 23
mat. 25. 34.

+ 2. Tes. 1. a 7

+ Bar. 5. a, 3.

+ mat. 5. b 16

+ Esai. 43. a 1

[p. 25.v]

 

⁺Coninck der Coninghen vailliant

 

Vernieut toch Heere ons leuen

 

Gheeft ons dat onderpant

 

Dijn wet int hert ghedreuen

 

⁺Door den gheest des leuens fijn

 

Op dat wy moghen geschreuen

 

Int boeck des leuens zijn.

 

Wilt dit in dancke nemen

 

Broeders en Susters gemeyn

 

Singt den Heer met soete temen

 

⁺Weest vrolijck van herten reyn

 

Want wy sullen triumpheren

 

Met onsen Capiteyn

 

⁺By synen Vader vol eeren

 

Daer bouen in sHemels pleyn.

FINIS.

+ 2. tim. 6. 15.
Psa. 51. 12
Eph. 1. b 13

+ 2. Cor. 3. a 3

+ Psa. 33. a. 1

+ Luc. 22. 32.