Over-Ysselsche sangen en dichten

T'selve.

Waer is een ackerman, die hebbende gemaeyet
De vruchten veertich-vout van dat hy heeft gesaeyet,

[p. 64]

 

Noch soecket inden gront na het verrotte graen

 

Dat hy voorleden jaer daerinne had gedaen?

5

En ghy, o woekenaer, na dat ghy hebt genoten

 

Den opstal sonder maet der penningen verschoten⁶

 

Ontsiet u niet den mensch, die voor u sitt en weent

 

Te eyschen noch het geen dat ghy hem hadt geleent.

 

Ghy wilt hem inden noot noch tack noch wortel laten,

10

Dies u den hemel vloeckt en alle menschen haten.

6 opstal: rente.