Over-Ysselsche sangen en dichten

Gelt en deucht.

De deucht sprack tot het gelt: o gelt, hoe mach het comen
Dat ghy so selden u laet vinden by den vromen,

En dat ghy meesten tijt maeckt machtich ende groot

Die qualijck weerdich zijn te eten droge broot?

[p. 63]

5

Het gelt sey wederom: o deucht, wat wildy crijten?

 

Dit mogen vrome luy u en geen ander wijten

 

Die t'liegen so veracht, en t'stelen haer verbiet,

 

Dus comt datmen by haer soo weynich rijcdom siet.