Mestreechter veerskes

[p. 20]

Pol Chambille de Beaumont
Diechter, Brouwer en.... Ierebörger vaan Mestreech.

Verleije week waor weer 'n generatie
jong lui op eus Stadhoes geconvoceerd,
die woorte dao mèt börgemeisterlikke gracie
tot Börgers vaan de stad gepromoveerd.

Joonk zien ze nog: ze mòtte de weeg nog vinde,
boelangs ze ins, es börgers vaan Mestreech,
hun stad in daank aon ziech kinne verbinde,
al is dee weeg laank mèt wienig leech....

Wel, is dat zoe, kiek dààn nao häöm, dee hiel ze leve
e veurbeeld waor vaan ech Mestreechter geis:
P.C. de B., dee us zoeväöl kòs geve,
ömtot heer zellef zoe vol waors vaan dee geis.

Kiek op nao häöm: kiek, zuuch häöm dao masjere
die rijzige figuur, veurop bij zien famfaar,
aristocraat wèt heer te paradeere,
mèh, maan vaan 't vollek ouch mèt zien famfaar.

Maan vaan 't vollek vaan Treech, altied gebleve
Diechter en Brouwer en maan vaan Chariteit;
dat alles völde en völt nòg gans zie leve
zoe vol meziek vaan eerds- en hiemelsheid.

Percessie, carneval, festiviteit,
Pol hùùurt debeij, z'n hart zit beerstensvol meziek
z'n hart, wat ech Mestreechter maotslaag sleit,
zoèzier tot zonder häöm, Mestreech Mestreech neet liek.

[p. 21]

 

Pol, diechter vaan zoe mennig prachtig leedsje

 

en brouwer vaan dat hierlik peerlend beer,

 

de chariteitsmaan, dee zoe mennig bleedsje

 

volsjreef veur höllep aon kloesters telkens wéér.

 

 

 

Carmelitesse, Juliaantjes wete

 

en gans Sint Pieter wèt dat evezier,

 

tot me zien höllep noets veur niks ging vraoge,

 

vergiefs noets klaogde, ouch neet èine kier!

 

 

 

Zoe steit dao euze Pol es e werechtig leech

 

hoeg bove duusternis en consternatie

 

en dreug mèt zwier en aongebore gracie

 

de naom vaan Ierebörger vaan Mestreech.

sept. 1956.