[56. Anoniem, Frankrijk zegt de Jezuïeten vaarwel.]
GALLIA IESUITARUM SECTAE VALEDICIT.
CARMEN
TROCHAICUM.
Cede tandem dira pestis Jesu abutens nomine,
Artibus tuis dolosis non erit posthac locus.
5[regelnummer]
Iam patet quo tendat ista ficta sanctimonia,
Hoc Fides Romana suadet, hocne suadet Pontifex?
An Monarcha ( si placet Diîs) Occidentis Imperi?
Dic Iberi in innocentes suscitabulum Rogi,
10[regelnummer]
Et Iuventutis tenellae secta corruptrix, furor
Quis tenet te? cur ad Arma Christianos concitas?
Vah! putabare esse Mundo Pax; sed es Fax maxima.
Cede tandem Iesuita cum dolosis artibus,
Et pete Hesperos recessus, Semimauram Patriam.
15[regelnummer]
Scilicet detecta fraus est, unde tantas possides
(Dum tamen molestus Orbi pauculis annis) opes.
Ditiorum quippe natos callidus palpo feris;
Huc movens cunctasque vires illicesque machinas,
Ut velint dedisse sectae tam probatae nomina.
20[regelnummer]
Quos simul vides tenaci colligatos compede,
Spernere haud fundos domosque et patrimonium soles.
Deinde noxas cum fatetur poenitens anus suas
Quaeris an sit orba, quantum Villici colant agri,
Occulatne quid Thesauri, quo queat mererier
25[regelnummer]
Caelitum sedes beatas, per preces interpretes?
Si quid horum: certa res est; absoluta non abit,
Ni latente auro refertas cistulas exenteres.
Cede tandem Iesuita Galliarum finibus:
Novimus quid praestet ista ficta sanctitas tibi.
30[regelnummer]
Novimus quàm sis molestus Civibus queis interes,
Quamque tu rimas per omnes impudens musca advoles,
Nec satis te limen ullum possit arcere arbitrum,
Si modò quid seriarum sentias rerum geri.
At cavent cordatiores, teque nolunt conscium?
35[regelnummer]
Ecce ne quidquam cavent. est plurimus tibi ad manum
Proditor, delator, et susurro: pestes Civium.
Hi docent, quid quisque narret in foro, atque compitis,
Quem vel hic vel ille saevi Martis optet exitum,
Institutum comprobetne Iesuiticum satis,
40[regelnummer]
An magis Fratrum vetustos (iure) laudet Ordines,
Scire te necesse cuncta, Publici ut quid muneris
(Namque tu conferre solus sustines) nemo gerat,
| |
1[regelnummer]
Ni tuo sit aptus ante iudicatus calculo.
His ministris, euge, rerum Rector ad clavum sedes.
Sed negat se ferre Regnum [-ferre] tale posthac Gallia:
Exigitque pullulantem moenibus pestem suis,
5[regelnummer]
Voce clamitatque magnâ, Cede nostris Finibus,
Cede cede Iesuita, sat diu turbas seris
Cede Secta quam Tyrannis Urbibus nocentior.
[Dwars:]
Gallia Jesuitis vale dicens.
|
|
Auteursrechtvrij