Album Joannis Rotarii (Johan Radermacher)

[fol. 97r]

[53. Herman Taffin, Disticha voor Franciscus Mezerius op het verlies van de linkerhand van François de la Noue.]

De domini de Lannoye Laeva rescissa epigrammata 14. ¹

Pro Christo et Patria fortis Lanoüs obibat

Proelia cum icta levi glande sinistra fuit.

Sic moriens, ut viva, Deo servivit, et olim

Exemplo vivis serviet illa suo.

1

At nunc abscissa laeva, cui dextera sola est,

Mirum, si dexter dextera cuncta facit?

2

Si quid erat laevi, cessit, cum laeva resecta est,

Sic reliquâ dextrâ, nulla sinistra facit.

3

Corpore secta suo dum torpet laeva seorsùm;

Fortior officium dextra utriusque refert.

4

Desectae laevae successit dextra sorori,

Sed dextras obiens (semper ut antè) vices

5

Pulpita sustentant libros, quos laeva tenebat,

Dextra regit calamum, dextra notanda legit.

6

Lamina pro laeva chartam dum dirigit, acta

Tum sua, tum veterum fortia dextra notat.

7

Quid iuvat insanos, quòd dextra resecta sit, hostes?

Ferrea nunc dextram (dum ferit illa) tegit.

8

Ferrea pro clypeo nunc laeva retundit ut ictus

Adversum gladio dextera quemque fodit.

9

Ferrea quâque regit spumantem (-dextra) laeva caballum

Ense micans hostes dextra cruenta necat.

10

Causidicis utinam laevae, Medicisque secentur,

Queis capiunt, scriptis dum mala dextra nocet.

1 Dit gedicht staat eveneens op fol.81r

[fol. 97v]

 

11

 

Nulli Lanoï (dum stabat) laeva nocebat,

 

Est, fuit, et semper dextra iuvamen erit.

 

 

 

12

5

Mortua laeva iacet, melioris tessera vitae,

 

Dextera, quô nomen non moriatur, agit.

 

 

 

13

 

Mortua laeva iacet, coelum pia dextra recludit

 

Integrum corpus sistat ut illa Deo.

 

 

10

In eiusdem Herois clarissimi obitum.

 

Qui terram meritis, coelum qui laudibus implet

 

Hunc terrae bustum quinquepedale tegit.

 

Qui de tantillo mutilo quoque corpore tanta?

 

Dux in Lanoo pro grege Christus erat

15

Ergò Deus simul hinc cessit? Tu videris hospes,

 

Sed curare magis munera disce Dei

 

Hermanus Taffinus Torsaeus. Sedani.