Album Joannis Rotarii (Johan Radermacher)

[fol. 55r]

[9. Johannes Vivianus, Gedichten op Albert Dürer en op een portret van Philippus Melanchton.]

In ALBERTUM DURERUM. in gratiam Georgii Hoefnagel.

DURERI ingenio, qui nil molitur ineptè
(Quem graphide aequavit nullus, paucique colore)
Consummasse artes pacis non sat fuit: idem
Aggressus bellique actus, sic Pallada utramque
Percolit, ut duplicem referat capite inde coronam.
Germanos bellare docet Germanus, et artem
Anormem prius, et diffusam ad certa reducit
Principia, ut pulchro praecepta hinc ordine pandat.
Credas Socraticum Euclidem spectare docentem
Consessu in magno, Megarâ admirante Mathesin
A puncto in tantum tractando assurgere limen.
Saepe idem patriae Durerus certa dedisse
Consilia in rebus dubiis memoratur. In uno
Norica Gens Cive ut possederit omnia quae si[-c]nt
Singula sat praeclara aliis insignia^* laudum.

Qui volet in claro pietatem effingere vultu,
Omne feret punctum hic, unum pingendo Philippum.

* In rechter marge: vel encomia.