[Ante omnia ne... ]
Ante omnia ne sit vitiosus sermo nutricibus, quas si fieri posset sapientes Chrysippus optavit, certe quantum res pateretur optimas eligi voluit. Et morum quidem in his haud dubie prior ratio est, recte tamen etiam loquantur. Has primum audiet puer, harum verba effingere imitando conabitur. Et natura tenacissimi sumus eorum, quae rudibus annis percepimus, sit sapor, quo nova imbuas, durat, nec lanarum colores, quibus simplex ille candor mutatus est, elui possunt. Et haec ipsa magis pertinaciter haerent, quo deteriora sunt. Nam bona facile mutantur in peius; numquando in bonum verteris vitia? Non assuescat ergo, ne dum infans quidem est, sermoni, qui dediscendus sit.
In parentibus vero quam plurinum esse eruditionis optaverim... De pueris, inter quos educabitur ille huic spei destinatus, idem quod de nutricibus dictum sit.
(M. Fabii Quintiliani Institutionis oratoriae libri XII, Liber I, 1).
Auteursrecht onbekend