't Lof van Cupido

Met verscheyde vrolijcke en minnelijcke deuntjens

[p. 56]

't Lof Twee-spraeck tusschen Iongman en Dochter.

Wijse: Waerom ach schoone.

Iongman.

Secht soete beckje, waer wilje heen,
Verwacht my wat 'ksal u versellen,

Dochter.

Wech, wech dit geckje laet my met vreen,
En hout vry op van my te quellen,
Ick heb in u doch gheen behaegen,

Iongman.

Soetertje mach ickt u niet vraghen,

[p. 57]

 

Of ghy wilt dat ick u gheleyden sal,

 

Dochter.

 

Wech wijs hooft, ghy zijt wel half mal.

 

 

 

Iongman.

 

Laet my gheniete van u weermin,

 

Wilt met mijn smart hebben meedoghen,

 

Dochter.

 

't Sou my verdrieten teghen mijn sin,

 

Te minne u, gaet uyt mijn ooghen

 

Het sal doch nimmermeer geschiede,

 

Iongman.

 

Schoone wilt my doch weermin biede,

 

En laeft mijn hert, versacht mijn sware pijn

 

Dochter.

 

Iongman gaet wech, 'tsal doch nimmer zijn.

 

 

 

Iongman.

 

Hebt ghy dan reden te haten my,

 

Secht schoonst der schoon aen uwe slave,

 

Dochter.

 

Vol boertse seede Iongman zijt ghy,

[p. 58]

 

Wanneer ick mijn eer aen u gave

 

Ick sou altijdt in droefheyt treuren,

 

Iongman.

 

Soetertje ghy doet mijn hart scheuren,

 

Vermidts dat ghy alsulcke reden spreeckt.

 

Dochter.

 

Iongman 'tis om dat u van als ontbreeckt.

 

 

 

Iongman.

 

Princes mijn leven staet in u hant,

 

'k Verwacht van u 'tleven sterven,

 

Dochter.

 

'k Sal geen troost geven aen u 'twaer schant

 

Met u sou ick veel smarte erven,

 

Dus weest te vreen laet my in vreden.

 

Iongman.

 

Soetertje comt wat naerder treden,

 

In deucht een eer, ach! schoon ic swijm neer,

 

Dochter.

 

Iongman 'tis tijt dat ick van u keer.

Al met der tijdt.