Sitebuorren myn eigen paradys

[p. 5]

Sitebuorren

Myn libbenslânskip leit oan 't wetter,
it is net fier, net wyld en rou.
Myn oarde, dat is Sitebuorren,
lytse mienskip ûnder Grou.

'k Haw gjin langst nei djippe delten,
of nei hege bergen yn 'e snie.
Myn goa is de griene greide,
oan de reiden iggen fan de Ie.

Lit skielk myn jiske waaie,
dêr, wêr't earder ris myn widze stie.
Lit my strike yn 'e streamen,
libje, yn de Sitebuorster Ie.