MEn behoort niet te heeten ghevangen te wesen den ghenen die in ijsere banden oft boeyen geslagen is: maer wel den ghenen die met ondeuchden ende sonden beladen ende bedeckt is. Want niet teghenstaende dat Sinte Pieter (als staet in het 12 van de Wercken der Apostelen) vast ghemaeckt was met dubbel ketenen in Herodes ghevangenisse, soo moesten hem nochtans nootsakelijcken die ketens van sijn handen vallen, alsoo haest als den Enghel bij hem quam: soo dat hij los ginck wt de ghevangenis, door den ijseren deure, die van selfs open sprong, door den wille Godts: den welcken om de waerheyt te segghen, al ist schoon, dat de menschelicke cracht heur wtterste ghewelt doet, gheensins niet en mach, noch en can gheforceert oft overweldicht worden.
Auteursrechtvrij
