Princelijcke deuijsen

Etiam fortunam.

M. Sergius een ridder van Romen,⁺ hebbende dicwils gestreden tegen Hannibal, ende tweemale van hem gheuanghen geweest, niettemin altijts met practijcken ontcomen wt sijnen handen, verloos int

+ Plinius.

[fol. 131v]

eynde in eenen slach sijn recher handt: Soo dat hy daer nae bedwonghen was in vier diuersche slaghen te vechten met ter slincker handt. Maer om dat hy hem daer mede soo wel niet en conste behelpen, als metter rechter handt, soo dede hy hem aensetten een ijsere handt, daer mede dat hy so vromelijck was strijdende, dat hy daer na in Gaulen heeft gewonnen twelf slagen teghen die vianden vande Romeynen. Soo dat Plinius getuycht dat hy gheen mensche en wiste, die meer te prijsen was dan desen Sergius, die door zijn vromicheyt ende coragie, ia verwinnende de fortune selue, verdient heeft een ontallige menichte van croonen.