Princelijcke deuijsen
(1563)–Claude Paradin, Gabriel Simeon–
Auteursrechtvrij
[Folio 117v]
| |
[Folio 118r]
| |
Die principale wapen vande Romeynsche banieren was den Aernt, de welcke noch ter tijt is de wapen van theylich rijcke, ende was verheuen bouen die ander van G. Marius: de welcke, als Plinius beschrijft, wesende de tweede reyse Burghemeester, heeftse gheheel ende al ouer gegeuen ende beuolen den Legioenen. Aldus den Aernt om dat hy ontsien is ende ghevreest van alle ander vogels, ende alsmen seght, haerlieder Coninck, heeft gecoren geweest om te beteekenen tvolck, ende die alder machtichste nacie, de welcke onder haer subiectie ghebrocht heeft, ende onderdanich ghemaect alle ander nacien van volcke. Voorts is ooc warachtich dat die Romeynen ooc voerden in haerlieder baniere vanden Aernt, de ghedaente vanden Blicxem, als wesende gheheylicht den Godt Iupiter, ende voerende zijn wapen: ende oock om dat den Aernt nemmermeer, als ons Plinius ghetuyghet, gheslaghen wort vanden blicxem ende donder. |
|
