Princelijcke deuijsen
(1563)–Claude Paradin, Gabriel Simeon–
Auteursrechtvrij
[Folio 108v]
| |
Als die moorders, die Julius Cesar vermoort hadden wten raedt quamen, so droeghen sommighe van die lancx de stadt van Romen, een hoet op een Lance in een teeken van vryheyt oft liberteyt: want twas dan die maniere, datmen de slauen die vry gemaect werden, eenen hoet gaf tot een teeken van vryheyt. Aldus soo ghinghen dese moorders lancx der straten, tvolck vermanende datse weder souden aenuaerden tregement vander stadt: meenende te wesen als doen in een ghewisse ende oprechte liberteyt. Maer henlieden gheschiede geheel ter contrarien: want eer dat iaer ten eynde was, soo waren sy alle te samen ter doot ghebrocht. Ende alsoo beuonden sy dat die licencie ende oorlof van sondighen ende quaet te doene op deser werelt, twelck wy meenen liberteyt te wesen, anders niet en is dan een slauernie. |
|
