Princelijcke deuijsen



[Folio 92v]
Vsque recurrit. Al ist dat die natuere eenichsins soude moghen van haer ghewoonte ghebrocht worden, soo is sy nochtans altijts ghene-
[Folio 93r]
ghen om weder te keeren tot haer eerste manieren. Ghelijck men sien mach aen eenen geulochten boom, wiens tacken al wordense met ghewelt ghehouden, nochtans soo gaen sy haer oude ghanghen, worpende nieuwe schueten derwaerts wt daer sy wter natueren trecken. Tselue gheschiet oock in andere saecken, soo wel inde beesten als inde menschen. Waer op dat te passe coemt tghemeene spreecwoort: Datmen van gheen buse mach maken een sparwar, noch oock van eenen boer een edelman. Ende inder waerheyt den mortier riect altijts naer tloock datter inne ghestampt is gheweest.