Princelijcke deuijsen

Premitur, non opprimitur.

Die Keyser Galba in rechte oft ter vierschare⁺ sittende om te horen tgeschil ende proces datter geresen was ter causen van een peert, merckende dattet niet wel mogelick en was te onderscheyden wie ghelijck oft onghelijck hadde, door die twijfelachtighe depositien vande ghetuyghen, heeft de natuere selfs ghestelt Iuge ende oordelaer,

+ Sueton.

[fol. 86v]

ghelijck Salomon dede (die de moederlicke liefde stelde iuge vanden gheschille) Ende ordineerde datmen tpeert daer gheschil om was, soude tgesichte verbinden ende alsoo leeden te water, ter plaetsen daerment gewoonlijck was te wateren, ende daer weder het hooft ontdecken, ende also van selfs laten gaen alleene daert wilde, totten ghenen daert alsoo soude gaen naer dattet gedroncken hadde, dien soude het peert toe behooren ende blijuen. By sulcken middel was dan blijckelick, dat die waerheyt soude moghen bedect worden, maer nochtans niet altijts verdruct blijuen.