Princelijcke deuijsen

[fol. 68r]

Putrescet iugum.

Esaias propheterende vande gheestelijcke⁺ liberteyt door die toecomste Christi, secht dat goreel sal verotten vander olien. Inde welcke die gheadopteerde ende aenghenomen kinderen, erfgenamen ende kinderen Gods, groyende in vermeerderinghe van liefden, ende onderhoudinge van sijn geboden, ontslagen worden van tsware iock des wets ende slauernije. Want op dese gheestelijcke Iubilee, sijn die misdadighe ontslaghen, alle schulden vergheuen ende quijte ghescholden, die verloren successie ende erffenisse weder ghegheuen, ende die slauen (te weten die menschen door de sonde vercocht

+ Es.[...]

[fol. 68v]

sijnde) ontslaghen van het iock der slauernije door Christus, die de warachtighe olie is der ontfarmherticheyt, der eeuwighe blijscap ende onbegrijpelijcke gracie.