Princelijcke deuijsen

[fol. 30r]

Humentia siccis.

Het hout oft eenen brant viers brandende aent een eynde, daer aen dat hangende zijn twee eemers vol waters, twelck Galeaz

[fol. 30v]

Viconte, hertoge van Milanen, de tweede van dien name voerde voor een deuijse, soude men mogen generalick verstaen van de ghene, die tvier in deen hant, ende het water in dander hant draghen. Oft het verstant wat hooger nemende, men souder moghen by verstaen, die bernende affectien ende passien vanden mensche, waer by dat hy oock heeft, door de voorsienicheyt Gods, het middel om duer die redene de selue te blusschen. Maer specialijck soo wordt by deser deuijsen beteekent die vromicheyt van den voorseyden Hertoge: want hy verwonnen hebbende in een ghevecht eenen vlaemsche Heere, die dese deuijse daer voren was voerende, heeftse tot een teeken van zijnder Victorien voort aen ghenomen voor hem seluen.