Verscheyden bruyloft dichten ende liedekens ghedicht ende gecomponeert by verscheyden gheesten
(1611)–Jan Jansz. Orlers–
AuteursrechtvrijDat achste Liedt: Op de Wyse,Schoon Ioncheerken hups en trouwen. Vryers.
COmt ter baen elck toon sijn crachten,
Grijpt de Bruyt elck houd vast aen,
Vrysters.
Bruydegom ghy moet noch wat wachten
VVy laten de bruyt niet gaen,
Vryers.
Ghy moet nochtans op het lest,
| |
[pagina 33]
| |
Vrysters.
T'sal niet zijn doet vry u best,
Vryers.
Treckt met cracht
Vrysters.
Bruyckt u macht,
T'sal u missen,
Daer ghy langh na hebt ghewacht.
Vryers.
Treckt by handen treckt by mouwen,
Bruydegom tis al haest u tijt,
Vrysters.
Vryers ghy sult daer aen flouwen,
VVy zijn noch de Bruyt niet quijt,
Brvydegom.
Lustich t'sal haest zijn ghedaen,
Vryers.
Ia ja sy is al ghevaen,
Brvydt.
My is bang,
Vryers.
T'sal eer lang,
Beter wesen,
Als ghy zijt uyt dit ghedrang.
Brvydt.
Och en wilt my niet ontcleden
K'weet niet wat wat my nakend' is,
Vrysters.
VVilt niet schryen zijt te vreden
Mennich daer na hakend' is,
Brvydt.
Maer ick hebt noyt ondersocht,
| |
[pagina 34]
| |
Vrysters.
T'most te vooren zijn bedocht,
Brvydt.
Gheeft my raedt,
Vrysters.
T'is te laet,
T'can niet helpen,
Brvydt.
Blyft by my van hier niet gaet.
Vrysters.
Neen wat soud u Bruydgom segghen,
Om dees nacht ist al ghedaen,
Brvydt.
Sal een vreembd' man by my legghen
Dat en dorf ick niet bestaen,
Vrysters.
Met een nacht zijt ghyt ghewent,
Brvydt.
Maer hy is my onbekent,
Vrysters.
T'is wel waer,
Brvydt.
T'valt my swaer,
Vrysters.
T'zijn gheen saken,
Die u brenghen in ghevaer,
Maer siet een de deur is open
T'is vergeefs dat ghy begheert,
Vryers.
Bruydegom waer zijt ghy gheloopen,
Sijt ghy nu int lest verveert,
Brvydegom.
Neen voorwaer nu ist mijn tijt,
| |
[pagina 35]
| |
Toont dat ghy gheen leerkint zijt
Vryers,
Nu ghenacht
Rust ghy sacht
In die armen
Daer ghy lang na hebt ghewacht.
|
|